Solana Pay Visa და Mastercard-ს ჩაანაცვლებს

SolanaPay-მ შესაძლოა Visa და Mastercard ჩაანაცვლოს

Social Capital-ისა და Virgin Galactic-ის აღმასრულებელი დირექტორის აზრით, Solana-ს ტრადიციული ფინანსური მომსახურების ბაზრის წილის დაპყრობა შეუძლია.

ჩამათ პალიჰაპიტიამ (Chamath Palihapitiya) All-In Podcast-ისთვის მიცემულ ინტერვიუში განაცხადა, რომ Solana „გლობალური საგადახდო ინდუსტრიის მასიური დაბრკოლრბის ნაწილს წარმოადგენს.“

მილიარდერის თქმით, მას შეუძლია გადახდის ინდუსტრიის გიგანტებს – Visa-სა და Mastercard-ს დაუპირისპირდეს.

როგორც ბიზნესმენმა აღნიშნა, გადახდის სისტემების ბაზარზე გასული 90 დღის განმავლობაში აქტივობის ზრდა შეინიშნებოდა, რამაც შესაძლოა ძალთა ბალანსის ცვლილება გამოიწვიოს:

„ვფიქრობ, Visa და Mastercard – დუოპოლიის წარმომადგენლები, რომლებიც ფასებს ზრდიან, ყველაზე სულელურ საქმეს აკეთებენ, რაც კი შეიძლება გააკეთონ.

განსაკუთრებით ინფლაციის მომენტში, მათ უბრალოდ სრულყოფილი ცოდნა და მომენტის შეგრძნება აკლიათ.“

პალიჰაპიტიას მიაჩნია, რომ იმ ნიშაში, რომელსაც გიგანტები აკონტროლებდნენ, სივრცის ნაწილი Solana-სთვისაც განთავისუფლდა. ეს კი კომპანიის მიერ თებერვალში დაწყებული Solana Pay-ის peer-to-peer გადახდების ხარჯზე ბლოკჩეინის სამომავლო წინსვლაზე მეტყველებს.

„ამ კვირაში მოვახერხე და Solana Pay-ის მეტად ჩავუღრმავდი, რაც ნამდვილად ამაღელვებელი იყო. ვფიქრობ, ადრე თუ გვიან ასეთი მოსახერხებელი სერვისით სარგებლობას ყველა დაიწყებს. ეს გლობალური საგადახდო კომპანიების დემონტაჟისთვის აქტივობების წყებას გავს.“ – თქვა მილიარდერმა.

Solana-ს ახალი საგადახდო ფუნქციის ეფექტურობის მიმართ, რომელიც შუამავალს მთლიანად გამორიცხავს, პალიჰაპიტიამ აღფრთოვანება გამოხატა.

„Solana Pay-ის ძირითადი გზავნილი არის ის, რომ გადახდა და მის მიღმა არსებული ტექნოლოგია გამყიდველსა და მომხმარებელს შორის ნამდვილ ერთრანგიან საკომუნიკაციო არხად ვითარდება.“

გადახდის ბაზარზე ექსპანსიის გარდა Solana მიზნად NFT ბაზრის ხელში ჩაგდებას ისახავს. Solana-ს მასშტაბირებისა და ტრანზაქციის დაბალი ხარჯების გამო, მასზე ბევრი NFT პროექტი და კოლექციონერი გადავიდა.