Square ბიტკოინისთვის საფულეს შეიმუშავებს

Square ბიტკოინისთვის საფულეს შეიმუშავებს

Twitter- ის დამფუძნებლის, ჯეკ დორსის განცხადებით, მისი კომპანია Square ბიტკოინისთვის აპარატული
საფულის შექმნის შესაძლებლობებს განიხილავს. კომპანიას აპარატული საფულის შექმნის შესახებ საბოლოო
გადაწყვეტილება ჯერ არ მიუღია და მზადაა  მომხმარებლების კომენტარები და რჩევები გაითვალისწინოს.
დორსიმ ამ საკითხს ტვიტების სერია მიუძღვნა. 

ტვიტების სერიაში დორსი ბიტკოინის ცივი შენახვისთვის საფულის შექმნის აუცილებლობაზე საუბრობს.
მისი აზრით, თუ მომხმარებლებს კრიპტოვალუტების შენახვა დამოუკიდებლად შეეძლებათ, ეს აქტივების განკარგვას გაცილებით გააადვილებს.  

დორსი საფულეების დიზაინს და განვითარების თავისებურებებსაც შეეხო და აპარატული საფულეების
მცირე ზომის დისპლეი გააკრიტიკა. მისი აზრით, მონაცემების მცირე ზომის ეკრანზე შემოწმება ხელშეწყობის
მაგივრად პირიქით, ამცირებს საფულის საიმედოობას. მან გამომწერებს კითხვით მიმართა – იქნება თუ არა მოთხოვნადი პროდუქტი დისპლეის გარეშე.

Square-ის ხელმძღვანელი აღნიშნავს, რომ მომხმარებლების უმეტესობა ინტერნეტით მობილური მოწყობილობებიდან სარგებლობს. ამიტომ ფართო აუდიტორიის მოსაზიდად ნებისმიერი ტექნოლოგიური გადაწყვეტა ამას უნდა ითვალისწინებდეს. დორსი გამომწერების მოსაზრებით ამ საკითხთან დაკავშირებითაც დაინტერესდა და  რისკების/საფრთხეების შესახებ აზრის დაფიქსირება სთხოვა.

Twitter-ის შემქმნელი აპარატული საფულის  Cash App-ის აპლიკაციასთან ინტეგრირების შესაძლებლობას განიხილავს, რაც მომხმარებლებს ბიტკოინის შეძენის საშუალებას მისცემს. საფულის შეუფერხებელი მუშაობისთვის ის ცალკე აპლიკაციის შექმნასაც არ გამორიცხავს, რომელიც შესაძლოა Square-ს არც ეკუთვნოდეს. 

აპარატული საფულეების გამოყენება ჰაკერების თავდასხმებისგან დაცვას ყოველთვის ვერ გამორიცხავს. გასული წლის ბოლოს ჰაკერებმა   Nexus Mutual-ის დამფუძნებლის,  ჰიუ კარპის (Hugh Karp) საფულის გატეხვა და 370 000 NXM-ის მითვისება შეძლეს.

წყარო: https://bits.media

Square ბიტკოინისთვის საფულეს შეიმუშავებს