by Giorgi 
Strategy-მ 980 მილიონი დოლარის ბიტკოინი დაიმატა
8-14 დეკემბრის პერიოდში ამერიკულმა კომპანია Strategy-მ 10,645 ბიტკოინი შეიძინა, რომელთა საერთო ღირებულებამ 980 მილიონი დოლარი შეადგინა. შესყიდვის ფასმა თითო მონეტაზე საშუალოდ 92,098 დოლარი შეადგინა.
Strategy-ს განცხადებით, მის საფულეებში ამჟამად 671,268 BTC ინახება, რაც წამყვანი კრიპტოვალუტის მთლიანი მიწოდების 3%-ზე მეტს შეადგენს. ეს ზედიზედ მეორე კვირაა, როდესაც კომპანიის მიერ ბიტკოინის შესყიდვებმა შვიდი დღის განმავლობაში 10,000-ს გადააჭარბა. ასეთი მოცულობით ბიტკოინის შესყიდვა ბოლოს მიმდინარე წლის ზაფხულში დაფიქსირდა, როდესაც კრიპტოვალუტის ფასი დაახლოებით 117,000 აშშ დოლარს შეადგენდა.
BTC-ის შესაძენად თანხების მოზიდვა კომპანიის მიერ დამატებითი MSTR ჩვეულებრივი აქციების და Strike, Strife და Stride პრივილეგირებული აქციების გამოშვებით მოხდა. მუდმივი პრივილეგირებული აქციების პროგრამა გეგმა „42/42“-ის დამატებას წარმოადგენს, რომლის მიზანი პირველი კრიპტოვალუტის შესაძენად აქციებისა და კონვერტირებადი ობლიგაციების განთავსების მეშვეობით 84 მილიარდი დოლარის მოზიდვაა. გეგმის განხორციელების ვადად 2027 წელია მოხსენიებული.
2020 წლიდან Strategy-მ ბიტკოინის შესყიდვებზე 50 მილიარდ დოლარზე მეტი დახარჯა, საშუალო შესყიდვის ფასი კი 74,970 დოლარს შეადგენდა. აღმასრულებელმა დირექტორმა ფონგ ლემ არაერთხელ გაუსვა ხაზი, რომ კომპანიის გრძელვადიანი აქტივების დაგროვების სტრატეგია უცვლელი რჩება და მის მიერ არჩეული ბიზნეს მოდელი მდგრადია ბაზრის რყევების მიმართ.
ცოტა ხნის წინ, Strategy-ის დამფუძნებელმა და აღმასრულებელმა თავმჯდომარემ, მაიკლ სეილორმა (Michael Saylor) კომპანიის გეგმები გაამხილა და განაცხადა, რომ რაც შეიძლება მეტი ხელმისაწვდომი ბიტკოინის შეძენა სურთ. მისი აზრით, ასე აქტივის მიმოქცევიდან ამოღება და მისი ფუნდამენტური ღირებულების შენარჩუნების შესაძლებლობა იქნება.
წყარო: https://www.strategy.com/press/strategy-acquires-10645-btc-and-now-holds-671268-btc_12-15-2025
სიახლეების გამოწერა
