კომპანია Gartner-ის გამოკითხვის თანახმად, წელს ფინანსური დირექტორების 5% კორპორატიული ფინანსების ბიტკოინში ინვესტირებას აპირებს. 2024 წლისთვის კი ასეთ კაპიტალდაბანდებას გამოკითხულთა 11% განიხილავს.
სულ გამოკითხული იყო სხვადასხვა კომპანიის 77 ტოპ მენეჯერი, რომელთაგან 50-ს ფინანსური დირექტორის პოზიცია ეკავა. რესპოდენტების უმეტესობამ (84%) მაღალი ვოლატილობის მიზეზით კრიპტოვალუტაში ინვესტირების რისკებს გაუსვა ხაზი. ამის გამო ტოპ მენეჯერების უმეტესობამ ბიტკოინზე დაკვირვების პოზიცია აირჩია. მოცდის პოზიციის არჩევის მიზეზებად ასევე დასახელდა დირექტორთა საბჭოს მიერ სარისკო ინვესტიციების მიუღელობა (39%), აქტივის გაუგებრობა (30%), სისტემის გატეხვის რისკები (25%) და საბუღალტრო საქმიანობის გართულებული წარმოება (18%).
უნდა აღინიშნოს, რომ ტექნოლოგიურ სექტორში მომუშავე კომპანიებს ბევრად უფრო პოზიტიური დამოკიდებულება აქვთ პირველ კრიპტოვალუტასთან. ასეთი კომპანიების გამოკითხული ტოპ-მენეჯერების ნახევარმა განაცხადა, რომ ბიტკოინში ინვესტირებას მომავალში აპირებენ. ამასთან, ორგანიზაციის სიდიდეს ხელმძღვანელობის გეგმებზე გავლენა არ მოუხდენია.
გამოკითხულთა 70%-მა განაცხადა, რომ მათთვის საინტერესოა, თუ რას აკეთებენ ბიტკოინით ის კომპანიები, ვინც მასში ინვესტიცია უკვე განახორციელა. დაახლოებით იგივე რაოდენობის გამოკითხული მარეგულირებლების მხრიდან ბიტკოინთან მიმართებაში უფრო მკაფიო პოზიციის გამოხატვას ისურვებდა.
„ფინანსურ ტოპ-მენეჯერებს, რომლებზეც კომპანიის ფინანსური სტაბილურობაა დამოკიდებული, არ ახასიათებთ უცნობ აქტივში ინვესტირება. მნიშვნელოვანია გვახსოვდეს, რომ ბიტკოინში ინვესტირება ახლად ჩასახული ტენდენციაა კორპორატიულ გარემოში,“ – აღნიშნა Gartner-ის კვლევების ხელმძღვანელმა ალექსანდერ ბანტმა (Alexander Bant).
Bitwise-ის გამოკითხვის თანახმად, რომელშიც მონაწილეობა 1000-მა ფინანსურმა კონსულტანტმა მიიღო აჩვენა, რომ ბოლო წლის განმავლობაში ფინანსებისა და კონსალტინგის ინდუსტრიაში მომუშავე ფირმებმა და სპეციალისტებმა გაცილებით დიდი ინტერესის გამოვლენა დაიწყეს ციფრული აქტივების მიმართ. ბიტკოინში ინვესტირების შესაძლებლობა გამოკითხულთა 17%-მა განიხილა.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)