SWIFT ბლოკჩეინის ბაზაზე მონაცემთა გაცვლის პროექტს აამოქმედებს

SWIFT ბლოკჩეინის ბაზაზე მონაცემთა გაცვლის პროექტს აამოქმედებს

საერთაშორისო საგადახდო სისტემამ SWIFT კორპორატიულ მონაცემთა გაცვლისთვის ბლოკჩეინზე დაფუძნებული საპილოტე პროექტის ასამოქმედებლად ამერიკულ ფინტექ კომპანია Symbiont-თან  პარტნიორობის ხელშეკრულება დადო. 

პროექტი Symbiont Assembly ტექნოლოგიური პლატფორმის გამოყენებით კორპორატიული სამუშაოების ავტომატიზირებას ისახავს მიზნად.

ჭკვიანი კონტრაქტებისა და Symbiont-ის ბლოკჩეინის დახმარებით, SWIFT  სისტემასთან დაკავშირებული 11000-ზე მეტი ინსტიტუტის ურთიერთქმედების გაუმჯობესებას იმედოვნებს.

კორპორატიული საქმიანობის შესახებ SWIFT-ის მონაცემები  სპეციალური  სერვისის გამოყენებით გადამუშავდება და Symbiont-ის ბლოკჩეინში აიტვირთება.

Symbiont ჭკვიანი კონტრაქტის ტექნოლოგიის მეშვეობით შესაძლებელი იქნება მონაწილეთა მიერ გაცვლილი ინფორმაციის შედარება, ასევე ნებისმიერი შეუსაბამობისა და უზუსტობის გამოვლენა.

გარდა ამისა, ჭკვიანი კონტრაქტები ორგანიზაციებს საშუალებას მისცემენ კორპორატიული საქმიანობის შესახებ მონაცემები სხვადასხვა წყაროდან ავტომატურად დააჯგუფონ, რითაც სამუშაო ეფექტურობა გაიზრდება.

საპილოტე პროექტში მონაწილეობას მიიღებენ ბანკები Citigroup და Northern Trust, ასევე საინვესტიციო კომპანია Vanguard.

პირველ ეტაპზე ტესტირება  მონაწილეთა მცირე ჯგუფთან ჩატარდება. მისი შედეგებიდან გამომდინარე გადაწყდება მიეცემა თუ არა პროექტს უფრო ფართომასშტაბიანი სახე.

მაისში, სხვადასხვა ცენტრალური ბანკის ციფრული ვალუტების თავსებადობის გამოსაკვლევად SWIFT-მა საკონსულტაციო კომპანია Capgemini-თან ითანამშრომლა. თითოეული ცენტრალური ბანკი სახელმწიფო სტეიბლკოინს სხვადასხვა სტანდარტებისა და პროტოკოლების გამოყენებით ავითარებს, ამიტომ  მნიშვნელოვანია CBDC ფრაგმენტაციასთან დაკავშირებული პრობლემების თავიდან აცილება.