SWIFT სახელმწიფო ციფრული ვალუტებისთვის ბანკთაშორის კონექტორს ავითარებს
ბანკთაშორისი კომუნიკაციის საერთაშორისო სისტემა SWIFT სახელმწიფო ციფრულ ვალუტებში ანგარიშსწორების ორგანიზებისთვის API-ზე დაფუძნებულ ექსპერიმენტულ პროგრამას ქმნის, რომლის ტესტირებაც უკვე მიმდინარეობს.
ტესტირებაში სხვადასხვა ქვეყნის 18 როგორც ცენტრალური, ისე კომერციული ბანკი მონაწილეობს.
სპეციალურად ამ მიზნით შექმნილ სენდბოქსში 5000-ზე მეტი ხელოვნურად იმიტირებული ტრანზაქცია განხორციელდა. ტრანზაქციები სხვადასხვა ბლოკჩეინ ქსელსა და ეროვნულ ვალუტაზე მოქმედ გადახდის სისტემებს შორის სხვადასხვა მონაცემთა გაცვლას მოიცავდა.
ტესტირებამ მონაწილეებს SWIFT-ის მიერ შემოთავაზებული ექსპერიმენტული გადაწყვეტის მუშაობის შემოწმებისა და მისი ეფექტურობის შეფასების შესაძლებლობა მისცა.
მონაწილეთა დასკვნით, პროგრამა სახელმწიფო ციფრული ვალუტების შეუფერხებლად გაცვლას იმის მიუხედავად უზრუნველყოფს, თუ რა პლატფორმას იყენებენ ფინანსური ინსტიტუტები აქტივების გამოშვებისა და მიმოქცევისთვის.
SWIFT პროგრამის ბეტა ვერსიას და სენდბოქსის ტესტირების მეორე ფაზასაც შეიმუშავებს, რომელიც CBDC-ს გამოყენების ახალ ვარიანტებს გამოავლენს.
მათ შორის, ფასიანი ქაღალდებით ანგარიშსწორების, სავაჭრო ოპერაციების დაფინანსებისა და პირობითი გადახდების შესაძლებლობებს.
იანვარში ჩინეთის სახალხო ბანკმა სტეიბლკოინებსა და CBDC-ში ანგარიშსწორებისთვის საკუთარი ტრანსსასაზღვრო უნივერსალური ციფრული საგადახდო ქსელის (UDPN) ამოქმედების შესახებ გამოაცხადა.
მისი შემქმნელების აზრით, პლატფორმამ იგივე როლი უნდა შეასრულოს რასაც Society for Worldwide (SWIFT) ასრულებს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)