Kraken-ის აღმასრულებელი დირექტორი, ჯესი პაუელი (Jesse Powell) დარწმუნებულია, რომ ბიტკოინის კურსი ზრდას განაგრძობს. მისი აზრით, 2023 წლისთვის 1 BTC-ად Bugatti-ის ყიდვა იქნება შესაძლებელი.
ცოტახნის წინ მან განაცხადა, რომ ბიტკოინის შესაძლებლობები უსასრულოა. ახლა კი Bloomberg-თან საუბარში აღნიშნა, რომ რადგან „უსასრულობის“ წარმოდგენა რთულია, ბიტკოინის პოტენციალის გამოხატვა სხვა ხერხითაც შეიძლება. მაგალითად, თუ ახლა 1 BTC-ად ელექტრომობილ Tesla 3-ის შეძენა შეიძლება, მომავალ წელს Lamborghini-ს, 2023 წელს კი Bugatti-ის ყიდვა იქნება შესაძლებელი.
„კრიპტო საზოგადოებისთვის ასეთი სახის საზომი ერთეული უფრო მოსახერხებელიცაა ბიტკოინთან მიმართებაში. რადგან არავინ იცის რა ეღირება აშშ დოლარი. შესაძლოა ერთი წლის შემდეგ მთავრობამ 10-ჯერ მეტი დოლარი გამოუშვას ვიდრე ახლა ბაზარზეა. ამიტომ, ძალიან ძნელია ბიტკოინის დოლართან მიმართებაში შეფასება.“ – განაცხადა პაუელმა.
Kraken-ის აღმასრულებელმა დირექტორმა ასევე ისაუბრა ეთერიუმსა და პოლკადოტზე. მან აღნიშნა, რომ საკოლექციო ტოკენების (NFT) ბუმი ეთერიუმის ეკოსისტემის განვითარებისთვის ძალიან სასარგებლოა. ხოლო ტრანზაქციებზე მაღალი საკომისიოების პრობლემა ეთერიუმ 2-ის სრულფასოვან ამოქმედებასთან ერთად გაქრება.
პაუელმა შეაქო Polkadot-ის ბლოკჩეინის აქტიურობა, რომელშიც უამრავი ტოკენი და ახალი პროექტი ეშვება და ახალი ფუნქიები ემატება. მან Polkadot-ს წარმატებული მომავალი უწინასწარმეტყველა.
წყარო:https://cointelegraph.com
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)