by Maria 
Tether-მა 1 მილიარდი დოლარის ბიტკოინი შეიძინა
პლატფორმა Arkham-ის სპეციალისტების ცნობით, კაპიტალიზაციის მიხედვით მსოფლიოში უმსხვილესი სტეიბლკოინ USDT-ს ემიტენტმა კომპანია Tether-მა 1 მილიარდი დოლარის ღირებულების 8,888 ბიტკოინი შეიძინა.
კომპანიამ Bitfinex-ის ცხელი საფულედან 8,888 BTC იმ მისამართზე გადარიცხა, რომელზეც ის თავის რეზერვებს ინახავს. კომპანიის რეზერვების შემცველ საფულეში ბიტკოინში პირველი დეპოზიტები 2022 წლის 30 სექტემბერს განხორციელდა. USDT-ის ემიტენტი ამჟამად 87,475 BTC-ს ფლობს.
2023 წლის მაისში, Tether-მა გამოაცხადა გადაწყვეტილების შესახებ რეალიზებული ოპერაციული მოგების 15% პირველი კრიპტოვალუტის შეძენაზე დაეხარჯა. Arkham-ის ცნობით, კომპანია მონეტებს სამი თვის განმავლობაში აგროვებს, რის შემდეგადაც აქტივები სარეზერვო მისამართზე გადააქვს.
ეს უკვე მეოთხე შემთხვევაა, როდესაც Tether-ის ბიტკოინის ახალი მარაგი ზუსტად 8,888 მონეტას შეადგენს. თუმცა, კომპანიას ამ რაოდენობის ბიტკოინის შენარჩუნება ყოველთვის არ შეძლებია. 2025 წლის ივნისის ბოლოს, Tether-ს შევსების ნაცვლად რეზერვიდან 15,200 BTC გამოტანა მოუხდა.
ბიტკოინისა და სტეიბლკოინების გარდა, კომპანიის ბალანსზე ასევე ინახება 1.32 მილიონი აშშ დოლარის კრიპტოვალუტებში Maker, 931,000 აშშ დოლარის Cronos, 787,000 აშშ დოლარის TRON და სხვა კრიპტოვალუტებები. საერთო ჯამში, Tether ციფრული აქტივების სახით 15.67 მილიარდ აშშ დოლარს ფლობს.
სერვის Bitcoin Treasuries-ის მონაცემებით, Tether-ს კერძო კომპანიებს შორის სიდიდით მეორე კრიპტოვალუტის რეზერვი აქვს. რეიტინგის მიხედვით, ის მხოლოდ Block.One-ს ჩამორჩება, რომელიც კრიპტოვალუტის ბირჟა Bullish-ს მართავს.
წყარო: https://intel.arkm.com/explorer/entity/tether
სიახლეების გამოწერა
