Tether-მა აშშ-ს ფინანსურ სისტემაზე წვდომა მიღო

Tether-მა აშშ-ს ფინანსურ სისტემაზე წვდომა მიღო

გამომცემლობა Bloomberg-ის ცნობით, სტეიბლკოინ USDT-ს ემიტენტი კომპანია Tether აშშ დოლარის გადარიცხვებისთვის  Signature Bank-ის გადახდის პლატფორმა Signet-ს იყენებდა.

მედიის ცნობით, ფულის გადარიცხვა აშშ-დან ბაჰამის კუნძულებზე Tether-ის საბანკო პარტნიორ Capital Union Bank-ში ხდებოდა.

გადარიცხვები მიმდინარე წლის მარტამდე ხორციელდებოდა, სანამ  Signature Bank-ის დახურვა და მარეგულირებელთა კონტროლის ქვეშ გადაცემა არ მოხდა.

გამოცემის სტატიის საპასუხოდ, Tether-ის დირექტორმა პაოლო არდოინომ (Paolo Ardoino)  ტვიტერზე დაწერა, რომ Tether-ს „ Signature-ზე  პირდაპირი ან ირიბი გავლენა არ ჰქონია.“

Signet როგორც რეალურ დროში გადახდის პლატფორმა 2019 წელს ამოქმედდა და კრიპტო ბირჟების Coinbase-ისა და Kraken-ის ჩათვლით ბევრი კრიპტოვალუტის სფეროსა თუ ინსტიტუციონალური კლიენტებისთვის მნიშვნელოვან ტექნოლოგიას წარმოადგენდა.

პლატფორმა  ფუნქციონირებას ბანკის დახურვის შემდეგაც აგრძელებს.

მარტში არდონიომ განაცხადა, რომ კომპანია USDT-ს მხარდასაჭერად ჭარბი რეზერვების სახით 1,6 მილიარდ დოლარს ფლობს. სტეიბლკოინს რეალური აქტივების – ფიატური ფულისა და ობლიგაციების მხარდაჭერა აქვს, ამიტომ აშშ დოლართან მისი შეფარდება სტაბილურად 1:1-ს შეადგენს.

Signature 2001  წელს დაარსდა. დაშლის მომენტისთვის მას აქტივების სახით 110 მილიარდი დოლარი ჰქონდა. ბანკის საქმიანობა მრავალმხრივი იყო და კრიპტოვალუტები მის პრიორიტეტს არ  წარმოადგენდა. კრიპტოვალუტებით ბანკი მხოლოდ 2018 წლიდან დაინტერესდა.

კრიპტოვალუტები ბანკის დეპოზიტების 23%-ს შეადგენდა და მათი 15%-მდე შემცირება იგეგმებოდა.