Tether სამ ქვეყანაში მაინინგ ფერმებს ააშენებს
სტეიბლკოინ USDT-ის ოპერატორი კომპანია Tether მაინინგ კომპანიებსა და აღჭურვილობაში მნიშვნელოვანი ინვესტიციების განხორციელებას გეგმავს. უახლოესი 6 თვის განმავლობაში ინვესტიციების მოცულობამ 500 მილიონი დოლარი უნდა შეადგინოს.
Tether-ის ტექნიკური დირექტორის, პაოლო არდოინოს (Paolo Ardoino) განცხადებით, თანხის ნაწილი 610 მილიონი დოლარის საკრედიტო ხაზის ფარგლებში კომპანია North Data Group-ს გადაეცემა. Tether გერმანული მაინინგ კომპანიის აქციების ნაწილს გამოისყიდის. დანარჩენი თანხა კი სხვადასხვა ქვეყანაში კომპანიის საკუთარი მაინინგ მეურნეობების მშენებლობას მოხმარდება.
არდოინოს თქმით, Tether მაინინგ მეურნეობებს ურუგვაიში, პარაგვაიში და სალვადორში უკვე აშენებს. კომპანიის კუთვნილი აღჭურვილობის ჯამური სიმძლავრე წლის ბოლომდე 120 მეგავატს მიაღწევს. ეს Tether-ს საშუალებას მისცემს ბიტკოინის ქსელის მთლიანი ჰეშრეითის დაახლოებით 1% შეადგინოს. შედარებისთვის, უმსხვილესი მაინინგ კომპანია Marathon Digital-ის წილი დაახლოებით 4%-ია. 2025 წლის ბოლოსთვის Tether მაინინგის ოპერაციების რაოდენობის და მოწყობილობების სიმძლავრის 450 მეგავატამდე გაზრდას გეგმავს.
„მაინინგი ჩვენთვის საკმაოდ ახალი სფეროა, ამიტომ უნდა ვისწავლოთ და განვვითარდეთ. მაგრამ ჩვენ არ მივისწრაფით მსოფლიოში ყველაზე დიდ მაინერად ვიქცეთ“, – თქვა Tether-ის ტექნიკურმა დირექტორმა.
ახლა კომპანია ერთ-ერთ ლოკაციას განიხილავს, სადაც 300 მეგავატი ტექნიკის განთავსება იქნება შესაძლებელი. ამავდროულად, Tether მაინინგის ინვენტარს დიდ კონტეინერებში ათავსებს, რათა საჭიროების შემთხვევაში ფერმის ახალ ადგილას სწრაფი გადატანა მოხდეს.
ბოლო ინფორმაციით, USDT-ს კაპიტალიზაცია ერთ თვეში 4 მილიარდი დოლარით გაიზარდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)