Thodex-ის ყოფილ ხელმძღვანელს 11000 წლიანი პატიმრობა მიუსაჯეს
ბიზნესმენს, რომელიც კრიპტოვალუტის ბირჟა Thodex-ს 2021 წლამდე ხელმძღვანელობდა, თურქულმა სასამართლომ სისხლის სამართლის რამდენიმე მუხლით, მათ შორის თაღლითობის ბრალდებით, 11196 წლით თავისუფლების აღკვეთა მიუსაჯა.
იგივე სასჯელი მიიღეს ფარუკ ფატიჰ ოზერის (Faruk Fatih Ozer) და-ძმამ, რომლებიც ასევე ჩართულნი იყვნენ ბიზნესში. სასამართლომ ოზერის ნათესავები დამნაშავედ თაღლითობაში, დანაშაულებრივი ორგანიზაციის ხელმძღვანელობასა და ფულის გათეთრებაში ცნო.
ოზერმა Todex 2017 წელს დააარსა და როდესაც კრიპტო ბირჟა გაკოტრდა თურქეთიდან ალბანეთში გაიქცა.
„საკმარისად ჭკვიანი ვარ იმისთვის, რომ დედამიწაზე ნებისმიერი ორგანიზაცია ვმართო. ეს აშკარაა იმ კომპანიის მაგალითზე, რომელიც 22 წლის ასაკში დავაფუძნე. ეს რომ დანაშაულებრივი ორგანიზაცია ყოფილიყო, ასე დილეტანტურად არ მოვიქცეოდი.“- განაცხადა ოზერმა სასამართლო დარბაზში.
გაურკვეველი რჩება ინვესტორების მიერ Thodex-ის დაშლის შედეგად მიღებული ზარალის მთლიანი ოდენობა. პროკურატურის საბრალდებო დასკვნაში 356 მილიონი ლირააა (13 მილიონი აშშ დოლარი) მითითებული, მაგრამ თურქული მედია იუწყება, რომ რეალურად მაჩვენებლები 2 მილიარდ დოლარს აღწევს.
ოზერი თურქეთში ალბანეთიდან ხანგრძლივი სასამართლო პროცესის შემდეგ წლის დასაწყისში იქნა ექსტრადირებული.
მანამდე, Thodex-ის დამფუძნებელსა და ყოფილ აღმასრულებელ დირექტორს საგადასახადო ინსპექციისთვის დოკუმენტაციის წარუდგენლობის მიზეზით შვიდთვიანი პატიმრობა მიესაჯა. დოკუმენტაცია სასამართლო პროცესის მსვლელობისას მოითხოვეს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)