by Giorgi 
Tron-ის ქსელში აქტიური ანგარიშების რაოდენობამ 350 მილიონს გადააჭარბა
ქსელის ოფიციალური ბლოკჩეინის მკვლევარის, Tronscan-ის მონაცემებით, ოთხშაბათს, 3 დეკემბერს Tron-ის ქსელში აქტიური ანგარიშების საერთო რაოდენობამ 350,129,122-ს მიაღწია.
Tron-ის ქსელში ახალი მისამართების რაოდენობა მიმდინარე წელს 60 მილიონზე მეტით გაიზარდა. იანვარში ეს მაჩვენებელი დაახლოებით 286 მილიონს შეადგენდა, აპრილში გადაილახა 300 მილიონიანი ბარიერი, ხოლო ოქტომბერში მისამართების საერთო რაოდენობამ 340 მილიონს გადააჭარბა.
Tronscan-ის ანალიტიკოსების აზრით, ეს პროგრესი შესაძლოა ქსელ Tron-ის პოპულარობამ გამოიწვია, რაც შედარებით დაბალი საკომისიოებით და სტეიბლკოინ USDT-ს ტრანზაქციების დომინანტური როლით არის განპირობებული, რადგან სტეიბლკოინ USDT-ს ტრანზაქციები საერთო მოცულობის 42%-ზე მეტს შეადგენს.
Tron-ის ქსელის ტრანზაქციების საერთო მოცულობამ 23 ტრილიონ დოლარს, ხოლო ტრანზაქციების რაოდენობამ ისტორიულ 12.2 მილიარდს გადააჭარბა, საიდანაც 1.2 მილიარდი 2025 წელზე მოდის.
ქსელი ყოველდღიურად ექვსიდან ცხრა მილიონამდე ტრანზაქციას ამუშავებს, აქტიურ მომხმარებელთა მაქსიმალური დღიური მაჩვენებელი კი 2.6 მილიონს აღწევს.
CoinDesk-ის მონაცემების თანახმად, ივლისი-სექტემბრის პერიოდში Tron-მა სტეიბლკოინ USDT-ს 1000 დოლარზე ნაკლები ღირებულების გლობალური საცალო ტრანზაქციების 65% დაამუშავა, რაც მას მიკროგადახდებისა და საერთაშორისო ტრანზაქციების ლიდერად აქცევს.
ცოტა ხნით დრე, Tron-ის დამფუძნებელმა ჯასტინ სანმა (Justin Sun) Bloomberg-ს უჩივლა, რითაც საკუთარი კრიპტო აქტივების რაოდენობის შესახებ ინფორმაციის დაფარვას ეცადა.
წყარო: https://tronscan.org/#/
სიახლეების გამოწერა
