by Giorgi 
Trump Media-მ ციფრულ აქტივებზე 360 მილიონის ზარალი დააფიქსირა
კომპანიამ Trump Media & Technology Group 2026 წლის პირველ ნახევარში ციფრულ აქტივებსა და დაგირავებულ კრიპტოვალუტაზე 360.6 მილიონი დოლარის არარეალიზებული ზარალი განიცადა. ამავე პერიოდში, მხოლოდ მეორე კვარტალში, კომპანიის წმინდა ზარალმა 238.1 მილიონი დოლარი შეადგინა.
აშშ-ს ფასიანი ქაღალდებისა და ბირჟების კომისიისთვის (SEC) წარდგენილი ანგარიშის თანახმად, 30 ივნისის მონაცემებით, კომპანიის ციფრული აქტივების საბაზრო ღირებულება 597.7 მილიონ დოლარამდე შემცირდა (2025 წლის ბოლოს ეს მაჩვენებელი 904.4 მილიონი იყო).
ამ დროისთვის Trump Media 9,477.16 ბიტკოინს (557.1 მლნ $) და 756.1 მილიონ Cronos-ს(40.6 მლნ $) ფლობს.
არარეალიზებულ ზარალს დაემატა 55.5 მილიონი დოლარის დანაკარგი დაგირავებული აქტივების გამოსყიდვიდან, 52.2 მილიონი აღიარების შეწყვეტიდან (derecognition) და 7.4 მილიონი უზრუნველყოფაში არსებული აქტივებიდან.
ანგარიშის წარდგენამდე ცოტა ხნით ადრე, კომპანიამ Crypto.com-ზე 165 მილიონი დოლარის ღირებულების 2,628 ბიტკოინი გადარიცხა. Trump Media-ს წარმომადგენელმა განმარტა, რომ ეს იყო უბრალოდ აქტივების ტრანსფერი და კრიპტოვალუტა არ გაყიდულა (მსგავსი ოპერაცია მაისშიც განხორციელდა).
ამჟამად კომპანიას 4,260-ზე მეტი BTC კონვერტირებადი ობლიგაციების უზრუნველყოფად აქვს გამოყოფილი, ხოლო 2,077 BTC – ოფციონების სტრატეგიისთვის. ამ მონაცემებით, Trump Media მსოფლიოში ბიტკოინის სიდიდით მე-12 საჯარო მფლობელი კომპანიაა.
სიახლეების გამოწერა
