Twitter-ის დამფუძნებელმა ინვესტირება მაინინგის სტარტაპში მოახდინა

Twitter-ის დამფუძნებელმა ინვესტირება მაინინგის სტარტაპში მოახდინა

Twitter-ის დამფუძნებელი ერთ-ერთი გახდა სტარტაპ Mummolin-ის 6 უმსხვილეს ინვესტორს შორის. ვაიომინგის შტატის ქალაქ შაიენში დაფუძნებული სტარტაპი Mummolin ბიტკოინის მაინინგის პროგრამული უზრუნველყოფის დეველოპერ კომპანიას წარმოადგენს და „ბიტკოინის მაინინგ ინდუსტრიის შეცვლას“გვპირდება. კომპანიამ დაფინანსების სახით 6.2 მილიონი დოლარის მოზიდვა შეძლო.

ჯეკ დორსის (Jack Dorsey) გარდა, სტარტაპის დაფინანსებაში მონაწილეობა მიიღეს კომპანიებმა: Barefoot Bitcoin Fund, MoonKite, NewLayer Capital და Bitcoin Opportunity Fund. Mummolin-ის გუნდის განცხადებით, ისინი მოზიდული თანხების გამოყენებას Bitcoin-ის დეცენტრალიზაციის პროექტ OCEAN-ის განვითარებისთვის აპირებენ.

პროექტი OCEAN, რომლის ავტორები ლუკ დაშჯრი (Luke Dashjr) და მარკ არტიმკო (Mark Artymko) არიან, მაინინგ პულების ცენტრალიზაციის პრობლემის გადასაჭრელად შეიქმნა, რომელმაც შესაძლოა BTC ქსელსა და მაინერებს საფრთხე შეუქმნას.

დეველოპერების განცხადებით, მაინინგ პულების როლი იმისთვის უნდა შეიცვალოს, რომ BTC-მა არსებობა როგორც ჭეშმარიტად დეცენტრალიზებულმა ვალუტამ შეძლოს.

„OCEAN არის ახალი ტიპის პული, რომელიც მაინერებს შესაძლებლობას აძლევს კვლავ გახდნენ ნამდვილი მაინერები.“- თქვა დაშჯრმა.

ცოტა ხნის წინ არაკომერციულმა ორგანიზაციამ ₿trust, რომელსაც ჯეკ დორსი აფინანსებს კომპანია Qala შეიძინა. Qala აფრიკული კომპანიაა, რომელიც ბიტკოინის დეველოპერებს ამზადებს. დორსის განცხადებით, ის პირველი კრიპტოვალუტის ეკოსისტემის მხარდასაჭერად 5 მილიონი დოლარის გამოყოფას აპირებს. თანხები არაკომერციულ ორგანიზაცია Brink-ს გადაერიცხება. შეთანხმების თანახმად, დორსი და არაკომერციული ორგანიზაცია მომდევნო ხუთი წლის განმავლობაში დეველოპერების დაფინანსებაზე ყოველწლიურად 1 მილიონ აშშ დოლარს გამოყოფენ.

Comments (No)

Close