Twitter-ის ფინანსური განყოფილების ხელმძღვანელმა, ნედ სიგალმა (Ned Segal) განაცხადა, რომ შესაძლოა კომპანიამ ბიტკოინი განიხილოს როგორც სარეზერვო აქტივი და მზადაა თანამშრომლებს ხელფასები ციფრულ ვალუტაში გადაუხადოს.
სიგალმა განმარტა, რომ თუ თანამშრომლები ან კლიენტები მოითხოვენ თანხების ბიტკოინში დარიცხვას, კომპანია მზად იქნება ეს იდეა განიხილოს. Twitter-ი საკითხს დიდი სერიოზულობით უდგება, თუმცა კომპანიას კონკრეტული ცვლილებები ჯერ არ განუხორციელებია. იმის გათვალისწინებით, რომ Twitter-ის აღმასრულებელი დირექტორი ჯეკ დორსი (Jack Dorsey) ყოველთვის ბიტკოინის მომხრე იყო და მას „Twitter-ის მომავალიც“ კი უწოდა, ეს ინიციატივა შესაძლოა მალე სისრულეში მოიყვანონ.
სიგალის პოზიცია სრულიად ემთხვევა Grayscale-ის აღმასრულებელი დირექტორის, მაიკლ სონენშაინის (Michael Sonnenshein) აზრს, რომ მსხვილი კორპორაციები, Tesla-ს დამფუძნებლის, ილონ მასკის მაგალითს გაიზიარებენ და ბიტკოინში დაიწყებენ ინვესტირებას. მართლაც, ბევრი კომპანია, რომელიც ბიტკოინს ეჭვის თვალით უყურებდა, მისი პოტენციალის გააზრებას იწყებს.
Wachsman-ის დამფუძნებელი და აღმასრულებელი დირექტორი, დევიდ ვაქსმანი (David Wachsman) ასევე იზიარებს აზრს, რომ მასკის პირველ კრიპტოვალუტაში ინვესტიციის შემდეგ, მისი მიღება ინსტიტუციონალური ინვესტორების მიერ უფრო დაჩქარდება. დიდი შანსია იმისა, რომ კრიპტოაქტივები დაკანონდეს. ვაქსმანმა დაამატა, რომ ინსტიტუციონალურ ინვესტორებს უკვე გაუჩნდათ „გაშვებული შესაძლებლობის“ სინდრომი (FOMO) და დიდი ალბათობით ბევრი მათგანი ბიტკოინის ყიდვას დაიწყებს.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)