Twitter კრიპტოვალუტით ვაჭრობის შესაძლებლობას ამატებს
დღეიდან ერთ-ერთი უდიდესი სოციალური ქსელის Twitter-ის მომხმარებლებს კრიპტოვალუტებით, აქციებითა და სხვა ფინანსური აქტივებით ვაჭრობის შესაძლებლობა მიეცემათ.
13 აპრილიდან Twitter-ის სოციალური ქსელისა და პლატფორმა eToro-ს თანამშრომლობის შედეგად, ქსელის მობილური აპლიკაციის მომხმარებლებს სხვადასხვა აქტივებით ვაჭრობა შეეძლებათ.
ყიდვა-გაყიდვის შესაძლებლობასთან ერთად ისინი კრიპტოვალუტებისა და აქციების ფასების დიაგრამების ნახვასაც შეძლებენ. Twitter-ი მომხმარებლებს ფინანსური აქტივების სქემების რეალურ დროში თვალყურის დევნების შესაძლებლობას ფუნქცია „cashtags“-ის გამოყენებით სთავაზობს.
„ბოლო წლების განმავლობაში, ჩვენ მნიშვნელოვნად გავიზარდეთ და ვხედავთ, რომ სულ უფრო მეტი ჩვენი მომხმარებელი ურთიერთობს ერთმანეთთან ქსელის მეშვეობით და ბაზრებზე ვაჭრობას სწავლობს. Twitter-ს მაღალი ხარისხის კონტენტი აქვს, რეალურ დროში მოწოდებული ინფორმაცია კომპანიის ფინანსური ანალიზის შესახებ, სიახლეები მთელი მსოფლიოდან. ჩვენ გვჯერა, რომ ეს თანამშრომლობა უფრო დიდი აუდიტორიის მოზიდვისა და Twitter და eToro-ს ბრენდების უკეთ დაკავშირების შესაძლებლობას მოგვცემს.“ – განაცხადა eToro-ს აღმასრულებელმა დირექტორმა იონი ასიამ (Yoni Assia).
ასიას თქმით, თანამშრომლობის შესახებ მოლაპარაკებების დროს მას Twitter-ის მფლობელ ილონ მასკთან უშუალო შეხება არ ჰქონია.
თავად მასკი კრიპტოვალუტა Dogecoin-ის დიდი ხნის გულშემატკივარია. ცოტა ხნის წინ მან DOGE-ს ლოგოთიTwitter-ის ლოგოც კი შეცვალა, მაგრამ შემდეგ ძველი ლოგოტიპი ისევ უკან დააბრუნა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)