უკრაინაში კანონპროექტს ვირტუალური აქტივების შესახებ ხელახლა განიხილავენ

უკრაინაში კანონპროექტს ვირტუალური აქტივების შესახებ ხელახლა განიხილავენ

უკრაინის პრეზიდენტმა ვლადიმერ ზელენსკიმ უმაღლეს რადას კრიპტოვალუტის ბაზრის მარეგულირებელი
ახალი ორგანოს შექმნაზე უარის თქმა შესთავაზა და „ვირტუალური აქტივების შესახებ“ კანონპროექტი ხელახალი
განხილვისთვის დააბრუნა.

უკრაინის პრეზიდენტის აპარატის პრესსამსახურის ცნობით, სახელმწიფოს მეთაურის ყურადღება მიიპყრო კანონპროექტის
პუნქტმა, სადაც ნათქვამია, რომ კრიპტოვალუტის ბაზრის რეგულირებას აქტივების ტიპიდან გამომდინარე სხვადასხვა
სახელმწიფო ორგანო განახორციელებს, მათ შორის აღმასრულებელი ხელისუფლების ახალი ორგანოს შექმნით გზით.

კანონპროექტის მიხედვით, ასეთი ორგანო ვირტუალური აქტივების მიმოქცევის რეგულირების ეროვნული სამსახური უნდა გამხდარიყო. დაგეგმილი იყო მარეგულირებლის მიერ უკრაინის ტერიტორიაზე მოქმედი კრიპტოვალუტის კომპანიებისთვის საქმიანობის განხორციელებისთვის ნებართვების გაცემა.

თუმცა, ზელენსკის აზრით, ახალი სახელმწიფო ორგანოს შექმნას სერიოზული ხარჯები დასჭირდება. ამიტომ სახელმწიფოს მეთაური გამოვიდა წინადადებით, კრიპტოვალუტის რეგულირების ფუნქცია ფასიანი ქაღალდების და საფონდო ბაზრების
ეროვნულ კომისიას და უკრაინის ეროვნულ ბანკს დაეკისროთ. 

პრეზიდენტი მიიჩნევს, რომ ამ საკითხში აუცილებელია კრიპტოვალუტის რეგულირების გლობალური გამოცდილების
გამოყენება და ბაზარზე კონტროლის ფუნქციის ფინანსურ მარეგულირებლებისთვის მინიჭება, რათა თავიდან იქნას
აცილებული თაღლითობა და ციფრული აქტივების გამოყენებით ფინანსური პირამიდების შექმნა. ზელენსკის აზრით,
ახალი სახელმწიფო ორგანოს შექმნა ბაზრის ყველა მონაწილისთვის გამჭვირვალე პირობების არსებობას ვერ
უზრუნველყოფს  და მათი უფლებების ადეკვატურად დაცვას ვერ შეძლებს.

უკრაინის უმაღლესმა რადამ No3637 კანონპროექტი „ვირტუალური აქტივების შესახებ“გასულ თვეში მიიღო.
საკანონმდებლო დოკუმენტი არეგულირებს კრიპტოვალუტის გამოყენებით ტრანზაქციების გამოშვებას, მიმოქცევასა და შესრულებას, ასევე მათ კანონიერ სტატუსს ანიჭებს. მანამდე კანონპროექტის დეტალებზე ვრცელი განმარტებები უკრაინის ციფრული ტრანსფორმაციის მინისტრის მოადგილემ, ალექსანდრე ბორნიაკოვმა გააკეთა.

წყარო: https://bits.media

უკრაინაში კანონპროექტს ვირტუალური აქტივების შესახებ ხელახლა განიხილავენ

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას