უკრაინა

უკრაინის უსაფრთხოების სამსახურმა „ვინიცაობლენერგოს“ შენობაში მოცემული მომენტისთვის ყველაზე დიდ იატაკქვეშა სამაინინგო ფერმას მიაკვლია.
კრიპტოვალუტების მოპოვება 5000-ზე მეტი დანადგარის მეშვეობით ხდებოდა.

სამართალდამცავების ცნობით, უკანონო სამაინინგო ფერმის ორგანიზატორები კიევისა და ვინიცის მცხოვრებლები იყვნენ. მოწყობილობები
„ვინიცაობლენერგოს“არაავტორიზებულ ქსელებში იყო შეერთებული, მაინერების საქმიანობისგან მიყენებულმა ყოველთვიურმა ზარალმა კი 7 მილიონ უკრაინულ გრივნას მიაღწია.

საინტერესო ის არის, რომ კრიპტოვალუტების მოპოვება არა ASIC მაინერებით, არამედ Sony PlayStation 4-ის სათამაშო კონსოლების მეშვეობით ხდებოდა.
სამართალდამცავებმა კონსოლების 3 800 ერთეულის კონფისკაცია მოახდინეს. ასევე ამოღებულ იქნა 500 ვიდეო ბარათი, 50 სისტემური ბლოკი და სხვა მოწყობილობები.

მაინინგ

უნდა აღინიშნოს, რომ მაინინგისთვის სათამაშო კონსოლის გამოყენება რთული და არაეფექტურია. ამიტომ  ვარაუდობენ, რომ  მაინინგში მხოლოდ
ვიდეობარათები იყო ჩართული. სათამაშო კონსოლებს კი სხვადასხვა ონლაინ თამაშებში ბოტების მხარდასაჭერად იყენებდნენ.

ცხადია, რომ ასეთი დიდი სამაინინგო ფერმა საქმიანობას  ენერგეტიკული კომპანიის ხელმძღვანელობის ნებართვის გარეშე ვერ აწარმოებდა. უკრაინის
უსაფრთხოების სამსახური ამჟამად მოკვლევას აწარმოებს. აღძრულია სისხლის სამართლის საქმე, უკრაინის სისხლის სამართლის კოდექსის 188-1 მუხლის
მე -2 ნაწილის შესაბამისად (“წყლის, ელექტრო ან თერმული ენერგიის ქურდობა მისი უნებართვო გამოყენების გზით”).

წყარო:https://bits.media