Uniswap-ის მომხმარებელს კრიპტოვალუტის შეძენა საბანკო ბარათით შეეძლება
იმისთვის, რომ მომხმარებლებმა ციფრული აქტივების ყიდვა მობილური აპლიკაციების მეშვეობით სადებეტო და საკრედიტო ბარათებით და ასევე საბანკო გადარიცხვებით შეძლონ, დეცენტრალიზებულმა ბირჟამ Uniswap ფინტექ კომპანია Moonpay-სთან პარტნიორობის შეთანხმება გააფორმა.
ფუნქცია ხელმისაწვდომი იქნება მომხმარებლებისთვის დიდ ბრიტანეთში, აშშ-ში, ბრაზილიაში და ერთიანი ევრო გადახდების ზონაში (SEPA).
მომხმარებლებს ფიატური ფულის კრიპტოვალუტაში კონვერტირება ოთხ ქსელში: Polygon, Ethereum, Artibrum და Optimism შეეძლებათ. ამ დროისთვის, ფუნქცია მხარს დაუჭერს ETH, DAI, USD Coin, Tether (USDT), wBTC და wETH-ს. მნიშვნელობა ექნება თუ რომელ რეგიონში იქნება მომხმარებელი.
Uniswap-ის გუნდის განმარტებით, პლატფორმაზე დეცენტრალიზებული ფინანსების (DeFi) ფუნქციონალის დანერგვას პრობლემების გარეშე არ ჩაუვლია, რადგან რისკების მიუხედავად, მომხმარებელთა უმეტესობა უპირატესობას მაინც ცენტრალიზებულ კრიპტო ბირჟებს (CEX) ანიჭებს.
თუმცა, კომპანია იმედოვნებს, რომ დაბალი საკომისიოს და ტრანზაქციის დამუშავების სისწრაფის გამო ინიციატივა მეტ მომხმარებელს მოიზიდავს.
Uniswap-ისთვის ვითარებას ინდუსტრიაში ბოლო დროს განვითარებული მოვლენები აუმჯობესებს. კრიპტობირჟა FTX-ის გაკოტრების შემდეგ მომხმარებლებმა ცენტრალიზებული პლატფორმების მიმართ გარკვეულწილად ნდობა დაკარგეს.
Uniswap-ის წარმომადგენლები იმედოვნებენ, რომ შემოთავაზებული სიახლეები მათ შესაძლებლობას მისცემს ისეთივე კომფორტი იგრძნონ , როგორც ცენტრალიზებულ ბირჟებზე.
მანამდე Uniswap-მა NFT აგრეგატორ Genie-ზე დაფუძნებული შეუცვლელი ტოკენებით ვაჭრობის დაწყების შესახებ გამოაცხადა.
ბირჟის განცხადებით, მათ კრიპტო ბირჟებსა და NFT სავაჭრო პლატფორმებს შორის არსებული უფსკრულის ამოვსება სურთ.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)