აშშ კრიპტო ბაზრიდან 28 მილიარდი დოლარის გადასახადის მიღებას აპირებს

აშშ კრიპტო ბაზრიდან 28 მილიარდი დოლარის გადასახადის მიღებას აპირებს

აშშ-ს კონგრესმა მიიღო კანონპროექტი, რომელიც კრიპტოვალუტების დაბეგვრის რეგულაციებს
აფართოვებს, მათ შორის კრიპტოვალუტის ბროკერების საქმიანობის კონტროლის სფეროში.

კანონპროექტში სენატორებმა დაამატეს დებულება, რომელიც კრიპტოვალუტით მოვაჭრე კომპანიებს ბროკერებთან აიგივებს. მას შემდეგ, რაც კანონპროექტს ხელს აშშ-ს პრეზიდენტი მოაწერს,
კრიპტოვალუტის ცენტრალიზებული ბირჟები, როგორიცაა Coinbase, გახდებიან „ბროკერები“და
ვალდებულნი იქნებიან მომხმარებელთა ტრანზაქციების შესახებ ანგარიში უშუალოდ საგადასახადო
სამსახურს (IRS) ჩააბარონ.

სავაჭრო პლატფორმებს მომხმარებელთა  მონაცემების შემცველი 1099 ფორმის შევსების ვალდებულება
ექნებათ. ახალი რეგულაციების წყალობით, ხელისუფლება კრიპტოვალუტით ვაჭრობიდან დამატებით 28 მილიარდი დოლარის გადასახადის მიღებას გეგმავს.

კრიპტოვალუტის კომპანიებს აშფოთებთ ის, რომ „ბროკერის“ ახალი განმარტება, შეიძლება ბლოკჩეინის ვალიდატორებს, კრიპტოვალუტის საფულის ოპერატორებსა და დეცენტრალიზებული აპლიკაციების შემქმნელებსაც შეეხოთ. კრიპტოვალუტების მნიშვნელოვანი ნაწილის ანონიმურობის გათვალისწინებით კი, ტრანზაქციების შესახებ ანგარიშგების უფრო მკაცრი მოთხოვნების შესრულება  შეუძლებელი იქნება. ამან შეიძლება კრიპტო ინდუსტრიის ზოგიერთი მიმართულების განვითარების შენელება ან სრული შეჩერება გამოიწვიოს და უარყოფითი გავლენა იქონიოს მთლიანად კრიპტოვალუტის ბაზარზე.

მიმდინარე წლის აგვისტოში, მას შემდეგ რაც აშშ-ს მთავრობამ მაინერები კანონპროექტიდან ამოიღო, აშშ-ს სენატმა კრიპტოვალუტის შესახებ ინფრასტრუქტურული კანონი მიიღო, რომელიც „ბროკერების“  განმარტებას არ შეიცავდა. ამის შემდეგ კრიპტოვალუტის ბროკერების შესახებ დებულება აშშ-ს წარმომადგენელთა პალატამ განიხილა. აშშ-ის ხელისუფლება ამაზე არ გაჩერებულა. სექტემბერში აშშ-ის დემოკრატიულმა პარტიამ კონგრესს „მაღალშემოსავლიანებისთვის“ გადასახადების გაზრდა შესთავაზა.  გაზრდილი გადასახადი კრიპტოვალუტების მფლობელებსაც შეეხებათ.

წყარო: https://bits.media

აშშ კრიპტო ბაზრიდან 28 მილიარდი დოლარის გადასახადის მიღებას აპირებს

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას