აშშ კრიპტოვალუტის აკრძალვას არ აპირებს ჯერომ პაუელი

აშშ-ს ფედერალური რეზერვის თავმჯდომარის განცხადებით, შეერთებული შტატები არ აპირებს ჩინეთის მაგალითი
გაიმეოროს და კრიპტოვალუტა პირდაპირ აკრძალოს, თუმცა სტეიბლკოინების რეგულირების შესაძლებლობებს განიხილავს.

ჩინეთის სახალხო ბანკის მიერ ცოტახნის წინ გამოქვეყნებული ცირკულარით კრიპტოვალუტებთან დაკავშირებული
ფინანსური ოპერაციები უკანონოდ გამოცხადდა, ხოლო ბიზნესისთვის აკრძალვები გაიზარდა. ეს ჩინეთის კრიპტო
ეკონომიკისთვის გამოუსწორებელი ზიანის მომტანი აღმოჩნდა და მსოფლიო ციფრულ ბაზარზე უარყოფითად აისახა.

ამერიკელი კრიპტო მომხმარებლების ნაწილმა პარალელი ჩინელი მარეგულირებლების ქმედებებსა და აშშ-ს
ფედერალური რეზერვის ამკრძალავ პოზიციას შორის გაავლო. გამოითქვა ვარაუდი, რომ აშშ-ს ასევე შეუძლია
გაიმეოროს ჩინეთის ქმედებები და მსგავსი ნაბიჯების გადადგმით ბიტკოინი და სხვა კრიპტოვალუტები არაკანონიერად მიიჩნიოს.

თუმცა, აშშ-ს ფედერალურ რეზერვს ასეთი მიზანი არ გააჩნია და აშშ-ს ფინანსური ბაზრის რეგულირების ანალოგიურად კრიპტოვალუტის ბაზრის რეგულირებისკენ იხრება. ფედერალური რეზერვის თავმჯდომარემ ჯერომ პაუელმა (Jerome Powell) თავისი პოზიცია ფინანსური მომსახურების წარმომადგენელთა პალატის კომიტეტის მიერ გამართულ მოსმენაზე გამოხატა.

„რაც შეეხება პოლიტიკას, აპირებთ თუ არა აკრძალოთ ან შეზღუდოთ კრიპტოვალუტის გამოყენება, როგორც ამას ჩინეთში ვადევნებთ თვალს?” – ჰკითხა პაუელს  ჩრდილოეთ კაროლინას წარმომადგენელმა ტედ ბუდმა (Ted Budd), რაზეც ფედერალური რეზერვის თავმჯდომარემ უპასუხა: „არა, მათი აკრძალვის განზრახვა არ გვაქვს.“ 

თუმცა პაუელმა დასძინა, რომ Fed-ს სტეიბლკოინების რეგულირება აუცილებლად მიაჩნია, რადგან მათ „საბანკო დეპოზიტების მახასიათებლები გააჩნიათ და გარკვეულწილად მარეგულირებელი სფეროს მიღმა რჩებიან.“

პაუელის გამოსვლა კომიტეტის სხდომაზე სულ რამდენიმე დღეში შედგა მისი განცხადებიდან, რომელშიც მან კონგრესს ცენტრალური ბანკის ციფრული ვალუტის შემუშავების მხარდაჭერისკენ მოუწოდა. ზოგიერთი ექსპერტის ვარაუდით, ციფრული დოლარის შექმნა ალტერნატიული კრიპტოვალუტების სრულ აკრძალვას გამოიწვევს, როგორც ეს ჩინეთში მოხდა. თუმცა, FRS-ის ხელმძღვანელის კომენტარები საპირისპიროს მეტყველებს. 

წყარო : https://bits.media

აშშ კრიპტოვალუტის აკრძალვას არ აპირებს ჯერომ პაუელი

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას