სამხრეთ კორეული VGlobal-ის ხელმძღვანელებს პატიმრობა შეეფარდათ
სამხრეთ კორეის რესპუბლიკის სასამართლომ კრიპტოვალუტის ბირჟა V Global-ის ერთ-ერთი ხელმძღვანელი თაღლითობაში ცნო დამნაშავედ. V Global-ის მიერ დაზარალებულთა რიცხვმა 50 000-ზე მეტი ინვესტორი, ხოლო ზარალის საერთო რაოდენობამ 1,7 მილიარდი დოლარი შეადგინა.
ტოპ მენეჯერს გვარად იანგს, რომლის სრულ სახელსაც არ ასაჯაროებენ, რვაწლიანი პატიმრობა შეეფარდა. სამი წლით თავისუფლების აღკვეთა მიუსაჯეს მის მოადგილესაც.
მანამდე სასამართლომ 25 წლიანი პატიმრობა V Global-ის აღმასრულებელ დირექტორს შეუფარდა. მასთან ერთად სხვადასხვა ვადით სასჯელს კომპანიასთან დაკავშირებული კიდევ 5 ადამიანი მოიხდის.
საქმის გამოძიება თითქმის ორი წელი მიმდინარეობდა. გამომძიებლების თქმით, სავაჭრო პლატფორმა V Global რეალური კრიპტოვალუტის ბირჟისგან თითქმის არაფრით განსხვავდებოდა, სინამდვილეში კი მის უკან მრავალდონიანი ფინანსური პირამიდა იდგა.
კლიენტებს ახალი წევრების მოწვევის სანაცვლოდ ფულად ჯილდოს სთავაზობდნენ.
სამართალდამცავების ყურადღება ინვესტორების უკმაყოფილებამ მიიპყრო.
ისინი ჩიოდნენ, რომ ბირჟიდან თავიანთი ტოკენების გამოტანას ვერ ახერხებდნენ. ეჭვს დაპირებული 300%-იანი მოგებაც იწვევდა. გამოძიების დაწყებისთანავე კომპანიის ხელმძღვანელობამ მტკიცებულებების განადგურება და საქმის მსვლელობაში ხელის შეშლა დაიწყო.
გავრცელებული ინფორმაციით, ამ შემთხვევის შედეგად სამხრეთ კორეის ხელისუფლებამ კრიპტო აქტივების სათვალთვალო ინსტრუმენტებზე დანახარჯები ოთხჯერ გაზარდა.
ძირითადი სახსრები პოლიციასა და პროკურატურაზე გადანაწილდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)