Visa ლათინურ ამერიკაში კრიპტო ბარათებს გამოუშვებს
მსოფლიოში ერთ-ერთმა უმსხვილესმა გადახდის სისტემამ Visa ლათინური ამერიკის სტარტაპებთან სპეციალიზებული საბანკო ბარათების გამოშვება შეათანხმა.
Visa-ს განცხადებით, მას სურს თავისი გადახდის ქსელის მეშვეობით კრიპტოვალუტის გამოყენების შესაძლებლობა რაც შეიძლება მეტ ადამიანს შეუქმნას. კომპანიამ მოლაპარაკებები ისეთ ადგილობრივ კომპანიებთან გამართა, როგორიცაა Satoshi Tango, Lemon Cash, Zro Bank და Afterbank.
ამ სტარტაპების ბარათის მფლობელებს ციფრული ვალუტით გადახდა, კრიპტო აქტივების Visa-ს მხარდაჭერის მქონე პლატფორმებზე შეძენა და დაბრუნებული თანხის ბიტკოინებში მიღება შეეძლებათ.
„ლათინურ ამერიკაში კრიპტო სისტემა განვითარებას ინვესტიციების გაზრდის, მომხმარებლების მხრიდან კრიპტოვალუტის ფართომასშტაბიენი მიღების და გამოყენების მრავალფეროვანი ვარიანტების ხარჯზე აგრძელებს. ვაპირებთ სტრატეგიას მივყვეთ და კრიპტოინდუსტრიას, ჩვენს პარტნიორებსა და კლიენტებს მხარი დავუჭიროთ.“- განაცხადა Visa-ს უფროსმა ვიცე პრეზიდენტმა რომინა ზელცერმა
Visa მომხმარებლების მიერ კრიპტოვალუტების აღქმისა და მათი გამოყენების შესახებ კვლევას დიდი ხანია აწარმოებს, რადგან ციფრული აქტივები პოპულარობის მოპოვებას აგრძელებენ.
კომპანია თავისი კვლევით „კრიპტოფენომენი: მომხმარებელთა დამოკიდებულება და გამოყენება“ ხელმძღვანელობს, რომელშიც Visa-მ „კრიპტოვალუტების თითქმის უნივერსალური ცოდნა აღმოაჩინა.“
შეგახსენებთ, რომ Visa-ს მთავარმა კონკურენტმა, Mastercard-მა ცოტა ხნის წინ NFT პლატფორმებთან თანამშრომლობის გაფართოების შესახებ გამოაცხადა,
რათა მის მომხმარებლებს საშუალება მიეცეთ საკოლექციო ტოკენები პირდაპირ იყიდონ.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)