by Maria 
Walmart და Amazon საკუთარი სტეიბლკოინის გამოშვებას განიხილავენ
გამოცემა Wall Street Journal-ის (WSJ) გავრცელებული ინფორმაციით, აშშ-ის საცალო ვაჭრობის უმსხვილესი კომპანიები Walmart და Amazon საკუთარი დოლარზე მიბმული სტაბილური კრიპტოვალუტების გამოშვების შესაძლებლობას იკვლევენ, რათა ელექტრონული კომერციის ტრანზაქციები მომხმარებლებისთვის უფრო მარტივი და იაფი გახადონ.
შექმნილ სიტუაციასთან დაკავშირებულმა წყაროებმა WSJ-ს განუცხადეს, რომ Walmart და Amazon კონსულტაციებს გადიან და ტექნოლოგიური პარტნიორების შეფასებას ახდენენ. ასევე ისინი მიმდინარე და სამომავლოდ დაგეგმილი მარეგულირებელი მოთხოვნების გათვალისწინებით დოლარზე მიბმული სტაბილური კრიპტოვალუტების გამოშვების გზებს განიხილავენ. კერძოდ, Walmart კანონპროექტში GENIUS საბანკო ბარათების სექტორში კონკურენციის გასაზრდელად რიგ შესწორებებს ლობირებს, რომლებმაც შესაძლოა სტაბილური კრიპტოვალუტების დანერგვას შეუწყოს ხელი.
როგორც ვარაუდობენ, საკუთარი კრიპტოაქტივების ამოქმედება Walmart-სა და Amazon-ს შესაძლბლობას მისცემს საბანკო ბარათებით გადახდისას მინიმუმამდე დაიყვანონ ტრანზაქციის საკომისიო, რომელიც ჯამურად წელიწადში რამდენიმე მილიარდ დოლარს შეადგენს. გარდა ამისა, უმსხვილესი რითეილერები სტაბილურ კრიპტოვალუტებს გადახდების დაჩქარებისა და გამარტივების, ასევე Visa და Mastercard-ის მსგავს ტრადიციულ გადახდის სისტემებზე დამოკიდებულების შემცირების შესაძლებლობად განიხილავენ.
ადრე, ამერიკული საცალო გიგანტის Walmart-ის ტექნიკურმა დირექტორმა, სურეშ კუმარმა (Suresh Kumar) განაცხადა, რომ კრიპტოვალუტები ვირტუალური და ფიზიკური საქონლის გადახდის მეთოდებში ტექნოლოგიური გარღვევის საფუძველი გახდება.
