ტაილერ და ქამერონ ვინკლვოსების მიერ დაარსებული კრიპტოვალუტის ბირჟა Gemini, კრიპტოვალუტისადმი მზარდი ინტერესის გამო, მალე შესაძლოა საფონდო ბაზარზე გავიდეს.
„ჩვენ ვფიქრობთ ამ მიმართულებაზე და ყველაფერს ვაკეთებთ, რომ ამის შესაძლებლობა გვქონდეს. ჩვენ თვალს ვადევნებთ ბაზარს და გვაქვს შიდა დისკუსიები იმის შესახებ, რამდენად აზრიანი იქნება ეს გადაწყვეტილება მოცემულ მომენტში. ჩვენ უდავოდ გახსნილები ვართ ამ ინიციატივისთვის,“ – განაცხადა ქამერონ ვინკლვოსმა ინტერვიუში.
აქციების საჯაროდ განთავსება, პირდაპირი ლისტინგი ან შერწყმა სპეციალიზირებულ კომპანიასთან სულ უფრო ხშირად განიხილება კრიპტოვალუტის ფირმების მიერ საფონდო ბაზარზე გასასვლელად.
აშშ-ში ახალი კლიენტების მისაზიდად, Gemini-მ საკრედიტო ბარათის გამოშვების შესახებ განაცხადა. ეს ბარათი ტრადიციული ბარათების მსგავსად იმუშავებს, მაგრამ ყოველი შეძენისას 3% ქეშბექი ექნება ბიტკოინში ან სხვა კრიპტოვალუტაში. მოგება ავტომატურად გადავა ბარათის მფლობელების ანგარიშებზე.
„ფული ნაგავია. ამიტომ, როცა ფულს ხარჯავთ და სანაცვლოდ BTC-ს იღებთ – ეს საკმაოდ კარგი გარიგებაა,“ – აცხადებს ტაილერ ვინკლვოსი.
დეკემბერში ტაილერ ვინკლვოსმა აღნიშნა, რომ ბიტკოინში დაბანდება მსოფლიოს ყველაზე მსხვილმა და ავტორიტეტულმა ინვესტორებმა დაიწყეს. მანამდე კი Gemini-ის დამფუძნებლებმა განაცხადეს, რომ ბიტკოინის კაპიტალიზაცია ოქროს კაპიტალიზაციას გაუსწრებს.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)