World Liberty Financial სადებეტო ბარათს გამოუშვებს

World Liberty Financial სადებეტო ბარათს გამოუშვებს

დონალდ ტრამპის ოჯახის კუთვნილი პლატფორმა World Liberty Financial საკუთარი სადებეტო ბარათის გამოშვებას გეგმავს, ამის შესახებ პროექტის თანადამფუძნებელმა ზაკ ფოლკმანმა (Zak Folkman) კონფერენცია Korea Blockchain Week 2025-ზე განაცხადა.

ფოლკმენის თქმით, მომხმარებლებს მათი კუთვნილი USD1 სტეიბლკოინებისა და World Liberty Financial-ის აპლიკაციის პირდაპირ სერვის Apple Pay-სთან მიბმა შეეძლებათ. ვარაუდობენ, რომ სადებეტო ბარათი აპლიკაციის ერთგვარი დამატება იქნება. თუმცა, ფოლკმენის თქმით World Liberty Financial საკუთარი ქსელის შექმნას არ აპირებს:

„როდესაც საქმე სტაბილურ კრიპტოვალუტებს ეხება, ეს ჩვენი პლატფორმის მისიასთან წინააღმდეგობაში მოდის. ჩვენი მიზანი არა ბლოკჩეინების, ბირჟების ან მსგავსი რამის შექმნაა, არამედ სრული დამოუკიდებლობა ბლოკჩეინებთან, ტექნოლოგიებთან და პლატფორმებთან დაკავშირებულ საკითხებში.“

პლატფორმა World Liberty Financial 2024 წლის სექტემბერში ჩაეშვა. მოგვიანებით მან საკუთარი ტოკენი WLFI და სტაბილკოინი USD1 აამოქმედა, რომელთა მიზანიც, დეველოპერების თქმით, ტრადიციული ფინანსებისა და ციფრული აქტივების ბაზრის დასაკავშირებაა.

WLFI-ის ამოქმედების დღიდან ტოკენის ფასი 37%-ით დაეცა. ამჟამად მისი ფასი 0.2069 დოლარს შეადგენს, საბაზრო კაპიტალიზაცია კი 5.09 მილიარდ დოლარს. ფოლკმანმა აღიარა, რომ WLFI კვლავ ბაზრის რყევებს ექვემდებარება. თუმცა, მისი ვარაუდით, გრძელვადიან პერსპექტივაში ტოკენი პროექტის პროდუქტების განვითარებასთან ერთად გაიზრდება.

World Liberty Financial-მა ცოტა ხნის წინ ხელი მოაწერა ურთიერთთანამშრომლობის მემორანდუმს სამხრეთ კორეულ მსხვილ კრიპტო ბირჟა Bithumb-თან. პარტნიორებმა არ დააკონკრეტეს კონკრეტული პროექტები, რომლებზეც მუშაობას გეგმავენ, თუმცა განაცხადეს, რომ ისინი კრიპტოვალუტების მიმართ საერთაშორისო ინვესტორების ნდობას გააძლიერებენ.

წყარო: https://www.theblock.co/post/371766/world-liberty-financial-debit-card-very-soon