by Giorgi 
Xiaomi-ს სმარტფონებში Sei Wallet იქნება ინტეგრირებული
Sei Foundation-ისა და ჩინური ტელეკომუნიკაციების გიგანტის, Xiaomi-ს ცნობით, 2026 წლიდან ჩინეთისა და აშშ-ს ფარგლებს გარეთ შეძენილი Xiaomi-ს ყველა ახალი სმარტფონი ჩაშენებული Sei კრიპტო საფულით და Sei Discovery აპლიკაციით იქნება აღჭურვილი.
ერთობლივ განცხადებაში ნათქვამია, რომ ახალი სერიის (14 და შემდგომი) Redmi Note, Poco და Xiaomi სმარტფონების მფლობელებს Web3 დეცენტრალიზებული აპლიკაციების უმეტესობაზე წვდომა დამატებითი აპლიკაციების ინსტალაციის გარეშე შეეძლებათ.
მომხმარებლებს შეეძლებათ კრიპტოვალუტის შენახვა და გადარიცხვა, Xiaomi-ს მაღაზიებში სტეიბლკოინებით საქონლისა და მომსახურების საფასურის გადახდა და პირდაპირი წვდომა ექნებათ დეცენტრალიზებული აპლიკაციების უმეტესობაზე, თამაშებიდან დაწყებული ფინანსური მომსახურებით დამთავრებული.
პროექტის რეალიზების პირველი ეტაპი 2026 წლის დასაწყისისთვის არის დაგეგმილი და ჰონგ-კონგისა და ევროკავშირის მომხმარებლებზე გავრცელდება. შემდეგ, პროექტს ინდოეთი, სამხრეთ-აღმოსავლეთ აზია, ლათინური ამერიკა და აფრიკა შეუერთდებიან. პრიორიტეტი მიენიჭებათ გეოგრაფიულ რეგიონებს, სადაც Xiaomi-ს მობილური მოწყობილობების გავრცელება 20%-ს ან მეტს შეადგენს.
