Zcash-ის დეველოპერებმა ახალი კრიპტო საფულე დააანონსეს

Zcash-ის დეველოპერებმა ახალი კრიპტო საფულე დააანონსეს

კონფიდენციალუი კრიპტოვალუტა Zcash-ის დეველოპერების განცხადებით, ისინი ახალ საფულეზე მუშაობენ. განცხადება Zcash-ის მხარდასაჭერად შექმნილი არაკომერციული ორგანიზაცია Bootstrap-იდან Electric Coin Company (ECC)-ის სრული გუნდის წასვლიდან დღეზე ნაკლებ დროში გაკეთდა.

ECC-ის ყოფილმა აღმასრულებელმა დირექტორმა ჯოშ სვიჰარტმა (Josh Swihart) განაცხადა, რომ ახალი საფულე Zashi-ს იმავე კოდზე იქნება დაფუძნებული. მისი გამოშვება რამდენიმე კვირაში იგეგმება. პროექტს კოდური სახელწოდება cashZ ექნება. ამჟამინდელი Zashi საფულის მომხმარებლები ახალ პლატფორმაზე შეუფერხებლად გადავლენ. cashZ-ის ფუნქციონალურობის შესახებ დამატებითი დეტალები ჯერ არ გახმაურებულა.

ECC გუნდის Bootstrap-დან წასვლა კომპანიის მართვისა და პოლიტიკის დაცვასთან შექმნილ უთანხმოებას უკავშირდება.

როგორც სვიჰარტმა სოცილურ ქსელში დაწერა, ბოლო რამდენიმე კვირის განმავლობაში გაირკვა, რომ „Bootstrap-ის საბჭოს წევრების უმრავლესობა, Zcash-ის მისიასთან აშკარა დისონანსში შევიდა.“

მან მომხმარებლები დაარწმუნა, რომ Zashi-ზე მომუშავე მთელი გუნდი სრულად არის ორიენტირებული Zcash-ის განვითარებაზე:

„ჩვენ არ ვუშვებთ ახალ მონეტებს — ჩვენ ვახდენთ Zcash-ის მასშტაბირებას. ამისათვის წასვლა და ახალი კომპანიის შექმნა მოგვიწია, რომელიც ექსკლუზიურად Zcash-ზე იქნება ორიენტირებული.“

cashz.org-ზე სვიჰარტმა ახალი კომპანიის შექმნის მიზეზები განმარტა. მან ხაზგასმით აღნიშნა, რომ Zcash არის პროექტი, რომელიც მოძრაობა cypherpunk-ის (კრიპტოგრაფიული კონფიდენციალურობის დამცველები) სულისკვეთებას შეესაბამება, ამიტომ საჭიროა ორგანიზაცია, რომელიც ამ ფუნდამენტურ პრინციპს დაიცავს.

დეველოპერის თქმით, კრიპტოსფეროში კონფიდენციალურობა ისეთივე ნორმაა, როგორც ნაღდი ფულის ანონიმურობა. ამ უფლებების ეფექტურად დაცვას კი ისეთი ორგანიზაცია სჭირდება, რომელსაც მოქმედება სწრაფად და ბიუროკრატიული შეზღუდვების გარეშე შეუძლია. სვიჰარტმა აღნიშნა, რომ არაკომერციული ორგანიზაციები, პირველ რიგში წესების დაცვაზე არიან ორიენტირებული, ხოლო სტარტაპები კი ინოვაციებზე.

Electric Coin Company-ის განხეთქილებაზე ბაზრის რეაქცია არაერთგვაროვანი იყო. ZEC-ის ფასი 21%-ზე მეტით დაეცა და 380 დოლარს გაუტოლდა. თუმცა 9 იანვარს დილით, ახალი საფულის გამოცხადების შემდეგ, ფასი 444 დოლარამდე აღდგა. მიუხედავად ამისა, ZEC ყველა დროის მაქსიმუმზე კვლავაც მნიშვნელოვნად დაბალია : 86%-ით ნაკლები 2016 წლის მაქსიმუმზე (3,191 დოლარი) და 38%-ით ნაკლები 2025 წლის მაქსიმუმზე (დაახლოებით 700 დოლარი).

წყარო: https://www.cashz.org/