by Maria 
ინგლისის ბანკი სტეიბლკოინების მფლობელებისთვის შეზღუდვებს დააწესებს
ინგლისის ბანკი (BoE) ბრიტანელებისთვის სტაბილური კრიპტოვალუტების ფლობის ლიმიტირების წინადადებით გამოვიდა: ფიზიკური პირებისთვის 20,000 ფუნტი სტერლინგის (27.200 აშშ დოლარი), ხოლო იურიდიული პირებისთვის 10 მილიონი ფუნტი სტერლინგის (13.6 მილიონი აშშ დოლარი) ოდენობით.
ბრიტანეთის ცენტრალურმა ბანკმა თავისი წინადადება იმ შეშფოთებით ახსნა, რომ ალტერნატიული ფიატური ანგარიშსწორების ინსტრუმენტების გამოყენებამ შესაძლოა ფინანსური სისტემის დესტაბილიზაცია და კომერციული ბანკებიდან დეპოზიტების გადინება გამოიწვიოს.
ინგლისის ბანკის ფინანსური ბაზრების ინფრასტრუქტურის ხელმძღვანელის საშა მილსის (Sasha Mills) განაცხადებით, შეზღუდვები დროებითი იქნება და მიზნად ახალი გადახდის სისტემების მასშტაბირების რისკების თავიდან აცილებას დაისახავს.
დიდი ბრიტანეთის კრიპტოაქტივების საბჭოს დირექტორის საიმონ ჯენინგსის (Simon Jennings) განცხადებით, ინგლისის ბანკი „ტექნიკური კოშმარი“ იქნება სტაბილური კრიპტოვალუტების ემიტენტებისთვის, რომლებიც ვერ ხედავენ რეალურ დროში ვინ და სად ფლობს მათ ტოკენებს. მისი თქმით, შეზღუდვების დაწესება იგივე იქნება, რაც მილიონების დახარჯვა იმის თვალის მისადევნებლად, თუ ვინ ფლობს ფიზიკურ ფულს.
დიდი ბრიტანეთის გადახდების ასოციაციის პოლიტიკის ხელმძღვანელმა, რიკარდო ტორდერა-რიჩიმ (Riccardo Tordera-Ricchi) განაცხადა, რომ ინგლისის ბანკის გეგმები კრიპტო ინდუსტრიას მრავალი წლით უკან დააბრუნებს და უფრო მეტ ზიანს მოუტანს, ვიდრე სარგებელს.
„ ცენტრალური ბანკის სკეპტიციზმის გარდა არ არსებობს სხვა მიზეზი იმისა, რომ სტეიბლკოინების ფლობის ლიმიტი დაწესდეს. ზუსტად ისევე, როგორც არ არსებობს შეზღუდვები ნაღდი ან ელექტრონული ფულის ფლობაზე ან საბანკო ანგარიშების რაოდენობაზე.“ – მიაჩნია რიკარდოს.
მანამდე, ბრიტანელებისთვის ელექტრონული ფუნტი სტერლინგის ამოქმედების სარგებლიანობის საეჭვოობის მიზეზით, ინგლისის ბანკმა საკუთარი ციფრული ვალუტის გამოშვების მაღალი ალბათობით შეწყვეტის შესახებ გამოაცხადა.
