by Giorgi 
კომპანიამ Bitmine 207 მილიონი დოლარის ETH შეიძინა
კრიპტო ბაზრის კლების ფონზე, ETH-ის უმსხვილესმა საჯარო კორპორატიულმა მფლობელმა კომპანიამ Bitmine Immersion Technologies 207 მილიონ დოლარად დამატებით 126,971 ETH შეიძინა, რითაც აქტივის მარაგები 5,543,872-მდე გაზარდა.
Bitmine-ის მენეჯმენტის განცხადებით, კომპანია ამჟამად მიმოქცევაში არსებული ეთერიუმის მთლიანი მარაგის 4.59%-ს ფლობს (120.7 მილიონი ETH). ამგვარად, Bitmine-ს დასახული „5%-იანი გეგმის“ შესასრულებლად დაახლოებით 490,000 ETH-ის შეძენა რჩება.
Bitmine-ის თავმჯდომარემ, ტომ ლიმ (Tom Lee) განაცხადა, რომ ალტკოინების შესყიდვები ფასის კლების გამო დააჩქარეს. ETH-ის ფასი ერთ კვირაში 14.3%-ით დაეცა და 1,684 დოლარი შეადგინა. ეს 2025 წლის აგვისტოში მიღწეული 4,953$-ის ყველა დროის მაქსიმუმზე 66%-ით ნაკლებია.
ლი მიიჩნევს, რომ ETH-ის ფასის კლება Ethereum ქსელის ფუნდამენტური მაჩვენებლების გაძლიერებას არ ასახავს და კომპანიამ კრიპტოვალუტის შესყიდვები სწორედ ამის გათვალისწინებით გაზარდა. ბიზნესმენი დარწმუნებულია, რომ კრიპტოაქტივების გაყიდვები დროებითია. ლი მიიჩნევს, რომ ხელოვნური ინტელექტის განვითარებამ Ethereum-ის მსგავს დეცენტრალიზებულ ბლოკჩეინებზე მოთხოვნა უნდა გაზარდოს. მისი პროგნოზით, ETH-ის ფასი 250,000 დოლარს მიაღწევს.
7 ივნისის მონაცემებით, Bitmine-ს 7.7 მილიარდი დოლარის ღირებლების 4,718,677 ETH სტეიკინგში აქვს განთავსებული, რაც კომპანიის მფლობელობაში არსებული აქტივის მთლიანი მოცულობის 85%-ს შეადგენს. ლი იმედოვნებს, რომ სტეიკინგიდან Bitmine-ის წლიური შემოსავალი 230 მილიონ დოლარს მიაღწევს. Bitmine-ის მენეჯმენტი ვარაუდობს, რომ მისი სტეიკინგის პროგრამა MAVAN (Made in America Validator Network) შვიდდღიანი შემოსავლიანობის 2.99%-ის მეშვეობით წლიურ ჯილდოს 270 მილიონ დოლარამდე გაზრდის.
7 ივნისის მდგომარეობით, Bitmine-ის აქტივების საერთო მოცულობამ 9.6 მილიარდ დოლარს მიაღწია. აქედან 247 მილიონი დოლარი ფიატურ ვალუტას, 180 მილიონი დოლარი წილს მედიაჰოლდინგ Beast Industries-ში, ხოლო 88 მილიონი დოლარი Eightco Holdings-ის აქციების პაკეტს შეადგენს, რომელსაც Bitmine განიხილავს როგორც ირიბ წვდომას ხელოვნური ინტელექტის კვლევითი კომპანიაზე OpenAI.
ცოტა ხნის წინ Bitmine-მა წლიური 9.5%-იანი შემოსავლიანობის მქონე სამი მილიონი პრივილეგირებული აქციის გამოშვების გეგმების შესახებ გამოაცხადა. შემოსული თანხები ETH-ის შესაძენად იქნება გამოყენებული.
სიახლეების გამოწერა
