კრიპტობაზრის ვარდნამ ტრამპის კაპიტალს დარტყმა მიაყენა

კრიპტობაზრის ვარდნამ ტრამპის კაპიტალს დარტყმა მიაყენა

აშშ-ის პრეზიდენტის, დონალდ ტრამპის ქონება სულ რაღაც რამდენიმე თვეში 7.3 მილიარდი დოლარიდან 6.2 მილიარდ დოლარამდე შემცირდა, რაც Trump Media-ს (TMTG) აქციების ფასის კლებით არის გამოწვეული.

ჟურნალ Forbes-ის ცნობით, პრეზიდენტის ოჯახის საკუთრებაში არსებული კომპანიის აქციების ფასი ბიტკოინისა და სხვა კრიპტოვალუტების ფასის ვარდნის მიზეზით 10.18$-მდე დაეცა.

იანვარში Trump Media-მ Truth.Fi განყოფილების ამოქმედებისა და ტრადიციულ და ციფრულ აქტივებში, მათ შორის კრიპტოვალუტასთან დაკავშირებულ ფასიან ქაღალდებში 250 მილიონი დოლარის ინვესტიციის ჩადების შესახებ გამოაცხადა.

მაისის ბოლოს Trump Media-მ გაახმოვანა, რომ საკუთარი ბიტკოინის რეზერვისთვის 2.5 მილიარდი დოლარი მოიზიდა. ამ ინვესტიციის მხარდასაჭერად, საკუთარი ფასიანი ქაღალდების გაყიდვასთან დაკავშირებით, კომპანიამ ხელშეკრულებები 50 კორპორატიულ ინვესტორთან გააფორმა.

კრიპტოვალუტის შესანახად შეირჩა სერვისები Crypto.com და Anchorage Digital.

Trump Media-ის აღმასრულებელი დირექტორის და თავმჯდომარის, დევინ ნუნესის (Devin Nunes) განცხადებით, ტრამპის კომპანია პირველი კრიპტოვალუტის გამოყენებას „ფინანსური ინსტიტუტების მხრიდან დისკრიმინაციისგან“ თავდაცვის საშუალებად გეგმავს.

Trump Media და Technology Group ტრამპის მიერ 2021 წლის თებერვალში დაარსდა.

2024 წლის მარტში, Digital World Acquisition Corp-თან შერწყმის შემდეგ, TMTG საჯარო გახდა და მალევე გამოჩნდა Nasdaq-ის საფონდო ბირჟაზე.

მოგვიანებით, ტრამპმა Trump Media -ში თავისი 58%-იანი წილი მისი ვაჟის, დონალდ ტრამპ უმცროსის მიერ კონტროლირებულ ტრასტს გადასცა.

მანამდე, ციფრულ აქტივებთან მომუშავე 65 ორგანიზაციის წარმომადგენლებმა, რომელთა შორისაა Solana Policy Institute, Blockchain Association, Block, Pantera, Wintermute, Skybridge და Uniswap Labs ტრამპს მოუწოდეს, დაუყოვნებლივ მიუთითოს ფედერალურ სააგენტოებს, კრიპტოვალუტების რეგულირებისა და დაბეგვრის წესები დააზუსტონ.

წყარო: https://www.forbes.com/sites/saradorn/2025/11/22/trumps-net-worth-drops-11-billion/