კრიპტოინვესტორების რაოდენობით ლათინური ამერიკა ლიდერობს

კრიპტოინვესტორების რაოდენობის ზრდის მიხედვით ლათინური ამერიკა ლიდერობს

კრიპტო ბირჟა Gemini-ს მონაცემების თანახმად, კრიპტოვალუტების მფლობელთა რიცხვი მთელ მსოფლიოში იზრდება, მაგრამ ყველაზე სწრაფი ტემპით ლათინურ ამერიკაში.

Gemini-ის თანამშრომლებმა 20 ქვეყნიდან დაახლოებით 30000 რესპონდენტი გამოჰკითხეს.

2022 წლის კვლევა Global State of Crypto, 2021 წლის ნოემბრიდან 2022 წლის თებერვლის ჩათვლით მიმდინარეობდა.

როგორც გაირკვა, გამოკითხულთა მნიშვნელოვანმა ნაწილმა კრიპტოვალუტაში პირველი ინვესტიცია 2021 წელს მოახდინა.

კრიპტოვალუტის მფლობელთა რიცხვი კი ყველაზე სწრაფად ბრაზილიასა და ინდონეზიაში გაიზარდა. ორივე ქვეყნის რესპონდენტთა 41%-მა განაცხადა, რომ ციფრული აქტივები პირველად 2021 წელს იყიდა.

Next week we will be releasing our Global State of Crypto Report! We can't wait to share some insights with you. But first, let's see what you think the answers are😉

What percentage of all #crypto owners surveyed globally first bought crypto in 2021? #GlobalStateOfCrypto

— Gemini (@Gemini) April 1, 2022

შედარებისთვის, დანიასა და კენიაში 2021 წელს კრიპტოვალუტა პირველად რესპონდენტთა მხოლოდ 15%-მა შეძენა.

კრიპტოვალუტის ინვესტორების ზრდის ტემპი დაბალი იყო კოლუმბიაში, საფრანგეთში, გერმანიასა და ავსტრალიაშიც.

საინტერესოა, რომ კრიპტოვალუტების ყიდვისადმი მაღალი ინტერესი ფიქსირდება ისეთ განვითარებულ ეკონომიკებშიც, როგორიცაა არაბეთის გაერთიანებული საემიროები და სინგაპური.

ინვესტორების რაოდენობის სწრაფი ზრდის მთავარ მიზეზად მკვლევარებმა კრიპტოვალუტების მკაფიო რეგულირების ნაკლებობა დაასახელეს.

რესპონდენტები ყურადღებას აქტივების ამ ახალი კლასის შესახებ ინფორმაციის ნაკლებობაზე ამახვილებენ. იმ რესპოდენტებისგან, ვინც კრიპტოვალუტას ჯერ არ ფლობს, მკაფიო რეგულაციის ნაკლებობა აღნიშნა: აზია-წყნარი ოკეანის რეგიონიდან გამოკითხულთა 39%-მა, ლათინური ამერიკიდან 37%-მა ხოლო ევროპიდან გამოკითხულთა 36%-მა.

რესპოდენტებმა კიდევ ერთ პრობლემად კრიპტოვალუტების ყიდვისას მათი საგადასახადო დეკლარაციაში მითითების აუცილებლობა დაასახელეს.

მანამდე ლათინური ამერიკის კერძო ინვესტიციების ასოციაციამ (LAVCA) განაცხადა, რომ 2021 წელს კრიპტოვალუტის ინდუსტრიაში ინვესტიციების რაოდენობა 2020 წელთან შედარებით თითქმის ათჯერ გაიზარდა.