მაიკ ნოვოგრაცმა ბიტკოინის ზრდისთვის საკვანძო მაჩვენებლები დაასახელა

მაიკ ნოვოგრაცმა ბიტკოინის ზრდისთვის საკვანძო მაჩვენებლები დაასახელა

კომპანია Galaxy Digital-ის დამფუძნებლისა და გენერალური დირექტორის, მაიკ ნოვოგრაცის (Mike Novogratz) განცხადებით, ბიტკოინი ახალ ფაზაში შევიდა, რაც ბაზარზე ამერიკელი საცალო ინვესტორების დაბრუნებით არის განპირობებული.

მისი თქმით, უახლოეს პერსპექტივაში პირველი კრიპტოვალუტა შესაძლოა წინააღმდეგობას 82,000$ – 86,000$ დიაპაზონში წააწყდეს, რაც ოპციონების ბაზარზე არსებული აქტივობით არის გამოწვეული, სადაც მონაწილეები პოზიციების ფიქსაციას იწყებენ.

ნოვოგრაცმა ხაზგასმით აღნიშნა, რომ 100,000$ -იანი ნიშნულის გარღვევა ბაზრისთვის გარდამტეხი მომენტი იქნება: გაყიდვების ძირითადი მოცულობა უკვე რეალიზებულია 60,000$ – 70,000$ ნიშნულზე, რის გამოც, გამყიდველების მხრიდან ზეწოლა საგრძნობლად შემცირდა.

მილიარდერმა ასევე მსხვილი მოთამაშეების გავლენა აღნიშნა. კერძოდ, კომპანია MicroStrategy, რომელიც ბიტკოინის უმსხვილესი კორპორაციული მფლობელია, რეგულარული შესყიდვებით მიწოდებაზე მნიშვნელოვან ზეწოლას განაგრძობს. ნოვოგრაცმა ხაზი გაუსვა, რომ ამგვარი გარიგებების მოცულობა ბაზარზე არსებული ლიკვიდობის პროპორციულია, რაც  პირველი კრიპტოვალუტის დეფიციტს კიდევ უფრო აძლიერებს.

ნოვოგრაცმა დასძინა, რომ კრიპტოვალუტის ბაზარი უფრო მომწიფებული ხდება და ყალიბდება როგორც აქტივების ცალკეული კლასი საკუთარი დინამიკით. მისი აზრით, ბიტკოინის შემდგომი ზრდისთვის საფუძველს საცალო მოთხოვნის, ინსტიტუციური კაპიტალისა და შეზღუდული მიწოდების ერთობლიობა ქმნის.

ამავდროულად, მან აღნიშნა, რომ 80,000$–85,000$ დიაპაზონი საკვანძო მაჩვენებლად რჩება : მასში არსებული დინამიკა აჩვენებს, თუ რამდენად მზად არის ბაზარი ახალ საფასო მაქსიმუმებზე გადასასვლელად.

მანამდე ნოვოგრაცმა განაცხადა, რომ აღმავალ ტრენდზე გადასასვლელად ბიტკოინს  74,000$-ის ნიშნულზე გამაგრება, შემდეგ კი 80,000$ -იანი ბარიერის გადალახვა სჭირდება.