ორმა სენატორმა ტრამპის კრიპტობიზნესის გადასახადებისგან გათავისუფლების ინიციატივა წამოაყენა
by Giorgi 
ორმა სენატორმა ტრამპის კრიპტობიზნესის გადასახადებისგან გათავისუფლების ინიციატივა წამოაყენა
ორი ამერიკელი სენატორი კრიპტოვალუტის რეგულირების შესახებ კანონპროექტის (CLARITY) ე.წ „ეთიკურ ასპექტში“ დამატებითი პუნქტის დამატების ინიციატივით გამოვიდა, რომელიც აშშ-ის პრეზიდენტ დონალდ ტრამპს კრიპტოაქტივების გაყიდვის შემთხვევაში მოგების ფედერალური გადასახადის გადახდის გადავადების შესაძლებლობას მისცემს – წერს გამოცემა Bloomberg. „ეთიკური ასპექტი“ მაღალი რანგის სახელმწიფო მოხელეებისთვის კრიპტობიზნესში მონაწილეობის აკრძალვას გულისხმობს.
წინადადების ინიციატორები რესპუბლიკელი სენატორი ტომ ტილისი (Thom Tillis) და დემოკრატი რუბენ გალიეგო (Ruben Gallego) არიან. ახალი შესწორება ტრამპს საშუალებას მისცემს წლების განმავლობაში გადასახადებისგან გათავისუფლდეს, ცალკეულ შემთხვევებში კი მათ თავი საერთოდ აარიდოს, რაც პრეზიდენტს მილიონობით დოლარს დაუზოგავს. შესწორების ავტორების თქმით, თუ აქტივების გაყიდვის შემდეგ ტრამპი მიღებულ სახსრებს ახალ ინვესტიციებში ჩადებს და მათ სიცოცხლის ბოლომდე შეინარჩუნებს, კაპიტალის ნამატის გადასახადის გადახდა არ მოუწევს.
2025 წლის დეკლარაციაში ტრამპმა კრიპტოვალუტებთან და მემკოინებთან დაკავშირებული პროექტებიდან 1,4 მილიარდი დოლარის შემოსავალი დააფიქსირა. გადავადების გარეშე, ტრამპს აქტივების ყიდვისა და გაყიდვის ფასებს შორის არსებული სხვაობიდან 20%-იანი გადასახადის გადახდა დაუყოვნებლივ მოუწევს . პრეზიდენტის პოსტზე ყოფნისას ტრამპი არ არის ვალდებული, შემოსავლიან აქტივებს შეელიოს.
„ეთიკურ ასპექტთან“ დაკავშირებული გაურკვევლობა, ერთ-ერთი მთავარი მიზეზი აღმოჩნდა, რომელმაც სენატს კანონპროექტ CLARITY-ის არდადეგების დაწყებამდე განხილვაში ხელი შეუშალა.
სენატის 2026 წლის სამუშაო კალენდრის მიხედვით, არდადეგები 14 სექტემბრამდე გაგრძელდება. გარდა ამისა, ოქტომბერში 3 ნოემბრის შუალედურ არჩევნებამდე იქნება ხანგრძლივი პერიოდი თითქმის სხდომების გარეშე.
ივლისის ბოლოს ტრამპი სენატორებს შეხვდა და, ზოგიერთი წყაროს ცნობით დაეთანხმა, ხოლო სხვა წყაროების მიხედვით — არ დაეთანხმა „ეთიკურ ასპექტს“. აგვისტოს დასაწყისში აშშ-ის სენატში დემოკრატიული პარტიის ლიდერმა ჩაკ შუმერმა (Chuck Schumer) წარადგინა კანონპროექტი კორუფციასთან ბრძოლის დამოუკიდებელი ბიუროს შექმნის შესახებ, რომელსაც აშშ-ის პრეზიდენტისა და მაღალი რანგის მოხელეების მხრიდან უკანონოდ მიღებული სახსრებისთვის, მათ შორის კრიპტოვალუტისთის, პასუხისგებაში მიცემა შეეძლება.
სიახლეების გამოწერა
