by Giorgi 
ოქროს სტეიბლკოინებს შორის ლიდერი დასახელდა
პლატფორმა The Block’s Data-ს ანალიტიკოსების მონაცემებით, მიმდინარე წელს ოქროთი მხარდაჭერილ სტაბილურ კრიპტოვალუტებს შორის Tether-ის XAUT ლიდერობს. 2.2 მილიარდი დოლარის საბაზრო კაპიტალიზაციით ის მთლიანი ბაზრის თითქმის 50%-ის მოიცავს.
მიმდინარე წელს ოქროთი უზრუნველყოფილი ყველა სტეიბლკოინის საბაზრო კაპიტალიზაციამ მთლიანობაში 4 მილიარდ დოლარს გადააჭარბა. იანვრის დასაწყისიდან ამ დრომდე ეს მაჩვენებელი 1.3 მილიარდი დოლარიდან თითქმის სამჯერ გაიზარდა.
XAUT-ის შემდეგ მეორე ადგილი სტეიბლკოინმა Paxos Gold დაიკავა, რომლის საბაზრო კაპიტალიზაცია 1.5 მილიარდ დოლარს შეადგენს. ერთად, ეს ორი აქტივი ბაზრის დაახლოებით 90%-ს აკონტროლებს. The Block’s Data-ს ექსპერტების აზრით, ტოკენიზებული ძვირფასი ლითონის მიმართ ინვესტორების ინტერესს თავად ოქროს ფასების დინამიკა უწყობს ხელს.
წლის დასაწყისიდან მოყოლებული, წამყვანი ძვირფასი ლითონის ფასი 66%-ით გაიზარდა, წლის მეოთხე კვარტალში უნციაზე 4000 დოლარს გადააჭარბა და ბიტკოინს გაუსწრო.
ოქროს ფასების ზრდის მთავარ კატალიზატორად ექსპერტები ცენტრალური ბანკების ქმედებებს მიიჩნევენ. ბოლო ათი თვის განმავლობაში მათ 254 ტონა ოქრო შეიძინეს, საიდანაც 83 ტონით პოლონეთის ეროვნული ბანკი ლიდერობს.
მსხვილი ინვესტორები ტრადიციულ აქტივებზე ფიატთან შეხების გარეშე წვდომის მოსაპოვებლად, ბლოკჩეინის ინსტრუმენტებს სულ უფრო ხშირად იყენებენ. „ოქროს სტეიბლკოინები“ ინვესტორებს საცავებში არსებული ფიზიკური ოქროს ზოდების აქციების ფლობის შესაძლებლობას აძლევს, განმარტავენ The Block’s Data-ს ექსპერტები.
სიახლეების გამოწერა
