რაულ პალი: მსხვილი ბანკები Ethereum-ზე 1–2 წელიწადში გადავლენ
ეკონომისტმა და კომპანია Real Vision-ის დამფუძნებელმა და აღმასრულებელმა დირექტორმა Raoul Pal განაცხადა, რომ მსოფლიოს წამყვანი ბანკები უახლოეს 1–2 წელიწადში დაიწყებენ გადასვლას Ethereum-ის ბლოკჩეინზე.
მისი თქმით, მსხვილი ფინანსური ინსტიტუტები იშვიათად იყენებენ კრიტიკულად მნიშვნელოვან სისტემებს, რომლებიც დაუმტკიცებელ ტექნოლოგიებზეა დაფუძნებული. ისინი უპირატესობას ანიჭებენ ინფრასტრუქტურას, რომელსაც აქვს ხანგრძლივი მუშაობის ისტორია, მაღალი ლიკვიდობა, ძლიერი დეველოპერული საზოგადოება და უსაფრთხოების მკაფიო სტანდარტები.
ამ კონტექსტში, პალის შეფასებით, Ethereum ყველაზე რეალური კანდიდატია — ქსელის სტაბილურობის, დაგროვილი გამოცდილებისა და მასშტაბირების შესაძლებლობების გამო.
„მსხვილ გლობალურ ბანკებს შეუძლიათ კლირინგის, ანგარიშსწორებისა და აქტივების შენახვის ოპერაციების Ethereum-ზე გადატანა 12–18 თვის განმავლობაში. ამ პროცესმა შესაძლოა 2027 წლისთვის ტოკენიზებული აქტივების $4.2 ტრილიონამდე ლიკვიდობა გახსნას,“ — აღნიშნა პალმა.
მისივე თქმით, შემდგომი განვითარება დიდწილად იქნება დამოკიდებული ბაზრის მზადყოფნაზე — სტანდარტების უნიფიკაციასა და მონაწილეებს შორის ურთიერთქმედებაზე. სწორედ ეს განსაზღვრავს, რამდენად სწრაფად გადავა მსოფლიო ფინანსური სისტემა ბლოკჩეინის სრულმასშტაბიან გამოყენებაზე.
ამასთან, ანალიტიკურმა პლატფორმამ Artemis განაცხადა, რომ მიმდინარე წლის იანვარ–მარტში Ethereum-ის ქსელში რეკორდული რაოდენობის ტრანზაქცია დაფიქსირდა. სამი თვის განმავლობაში განხორციელდა 200.4 მილიონი ოპერაცია — რაც პლატფორმის ისტორიის მაქსიმუმია.
კრიპტო სამყაროში 2017 წლიდან. #bitcoin
