რაულ პალმა ბიტკოინის ახალი რალის თარიღები დაასახელა

რაულ პალმა ბიტკოინის ახალი რალის თარიღები დაასახელა

Real Vision-ის აღმასრულებელი დირექტორის განცხადებით, წლის ბოლო დღეები შესაძლოა კრიპტოვალუტის ბაზრის მკვეთრი ზრდით იყოს გამორჩეული. მან დასკვნები მსხვილი მონეტების ისტორიული ქცევის საფუძველზე გააკეთა.

რაულ პალმა (Raoul Pal) ერთ-ერთ კრიპტბლოგთან ინტერვიუში დარწმუნებით განაცხადა, რომ ისტორიულად ახალი წლის ბოლო დღეებში ბიტკოინი და დიდი ალტკოინები შესანიშნავ შედეგს აჩვენებენ. ხშირად ასეთ ზრდას „სანტა კლაუსის რალისაც“ უწოდებენ. ეს ტერმინი ტრადიციული ფინანსური ბაზრიდან მოდის, სადაც მნიშვნელოვანი ზრდა ასევე წლის დასასრულის ბოლო ხუთ სავაჭრო დღეში და ახალი წლის პირველ ორ სავაჭრო დღეში ფიქსირდება.

„როგორც წესი, ამ პერიოდში კარგ შედეგებს თითქმის ნებისმიერი აქტივი აჩვენებს. მაგრამ, რა თქმა უნდა, რეალური ვაჭრობა მხოლოდ წლის პირველ კვარტალში დაიწყება.“- დასძინა Real Vision-ის აღმასრულებელმა დირექტორმა.

თუმცა, ბიტკოინის და კრიპტო ბაზრის შემთხვევაში, მკვეთრი ზრდის შემდეგ მოსალოდნელია კორექტირება – ახალი წლის დასაწყისში ბაზრის ლიკვიდობა ჩვეულებრივ მცირდება, ხოლო ვოლატილობა იზრდება. რაულ პალს მიაჩნია, რომ მიმდინარე ციკლში ბიტკოინმა საკუთარი პოტენციალი ჯერ ბოლომდე ვერ გამოავლინა. ბიზნესმენი თვლის, რომ BTC-ის მკვეთრი ზრდა შესაძლოა მარტში მოხდეს, როდესაც აშშ-ს ფედერალური სარეზერვო ბანკი სავარაუდოდ საბაზისო განაკვეთს შეამცირებს და ამერიკული ბანკების სესხები გაიაფდება.

„ჩემი შემდეგი ფრაზა იქნება „ბანანის სინგულარობა“, როცა ყველაფერი არანორმალურ ზრდას დაიწყებს. ჩვენ ამ წერტილს ჯერ ვერ მივუახლოვდით, მაგრამ ეს აუცილებლად მოხდება. სავარაუდოდ, Fed-ის სხდომის პერიოდში.“- განმარტა Real Vision-ის ხელმძღვანელმა.

ივნისში პალი ამბობდა, რომ წლის მეოთხე კვარტალი ბიტკოინისთვის ძალიან წარმატებული იქნებოდა. მართლაც, თუ ოქტომბერში BTC-ის კურსი 60 000 დოლარს შეადგენდა, ახლა მისი ფასი 100 000 დოლარს უახლოვდება.