by Giorgi 
საიდჩეინი Midnight Cardano-ს ეკოსისტემას ათჯერ გააფართოვებს
Cardano-ს დამფუძნებლის ჩარლზ ჰოსკინსონის (Charles Hoskinson) განცხადებით, საიდჩეინი Midnight Cardano-ს მთავარ ქსელს არ დაასუსტებს, არამედ პირიქით გააძლიერებს და მის გაფართოებას შეუწყობს ხელს.
ჰოსკინსონმა აღნიშნა, რომ Ethereum-ისა და Solana-ს ბლოკჩეინებთან კონკურენციისთვის Cardano-ს ქსელს არა მხოლოდ ტექნიკური, არამედ ეტაპობრივი გაუმჯობესებაც სჭირდება. მნიშვნელოვანი განახლებები Leios და Hydra მიზნად ტრანზაქციის საკომისიოს შემცირებასა და ქსელის გამტარუნარიანობის გაზრდას ისახავს. თუმცა, ჰოსკინსონმა წუხილით აღნიშნა, რომ ესეც კი არ არის საკმარისი იმისათვის, რომ მომხმარებლები დაარწმუნოს უკვე არსებული Ethereum-ისა და Solana-ს ეკოსისტემებიდან Cardano-ზე გადავიდნენ.
ბიზნესმენის თქმით, მომხმარებლები ახალ პლატფორმაზე მხოლოდ მაშინ გადადიან, თუ ის ფუნდამენტურად განსხვავებულ რამეს სვთავაზობთ.
მან საიდჩეინი Midnight, მისი „პროგრამირებადი კონფიდენციალურობის“ წყალობით, ქსელის განვითარებაში მნიშვნელოვან ნაბიჯად შეაფასა.
ჰოსკინსონის განმარტებით, Midnight მომხმარებლებს არსებული ეკოსისტემებიდან გადასვლის ნაცვლად, კონფიდენციალურობის დამცავ ფუნქციებზე წვდომას და მუშაობის გაგრძელების შესაძლებლობას მისცემს. ეს ფუნქციები Ethereum-სა და Solana-ს არ გააჩნიათ.
დეველოპერების ძალისხმევის მიუხედავად, Cardano-ს ქსელი დეცენტრალიზებული ფინანსების (DeFi) აქტივობით ჩამორჩება. DeFiLlama-ს მონაცემებით, Cardano-ში (TVL) ბლოკირებული აქტივების მთლიანი ღირებულება 178.98 მილიონ დოლარს შეადგენს. ეს მაჩვენებელი Ethereum-ისა (70,09 მილიარდი დოლარი) და Solana-ს ( 8.57 მილიარდი დოლარი) ქსელებთან შედარებით მნიშვნელოვნად დაბალია.
ჰოსკინსონი იმედოვნებს, რომ Midnight-ის წყალობით მომავალ წელს Cardano ქსელში DeFi დეველოპერების აქტივობა გაიზრდება.
ის ასევე მიიჩნევს, რომ Cardano-ს ეკოსისტემაში პირველი დონის სტეიბლკოინების დანერგვა ზრდას დააჩქარებს.
ჰოსკინსონმა Cardano ქსელში სტეიბლკოინ RLUSD-ის გაშვების შესახებ კომპანია Ripple-თან მოლაპარაკებების შესახებ არსებული ცნობები დაადასტურა.
წყარო: https://x.com/MinswapIntern/status/2002718192284651681
სიახლეების გამოწერა
