საკუთარი ტოკენების შექმნა აუცილებლობას არ წარმოადგენს

საკუთარი ტოკენების შექმნა აუცილებლობას არ წარმოადგენს

ხელოვნურ ინტელექტზე  დაფუძნებული პლატფორმებისთვის საკუთარი ტოკენების შექმნა აუცილებლობას არ წარმოადგენს

უმსხვილესი კრიპტო ბირჟა Binance-ის დამფუძნებელმა ჩენპენ ჯაომ (Changpeng Zhao) ხელოვნურ ინტელექტზე (AI) დაფუძნებული პლატფორმების შემქმნელებს ურჩია, კონცენტრირება პლატფორმის სარგებლიანობაზე და არა ახალი ტოკენების გამოშვებაზე მოახდინონ.

ჯაოს თქმით, ყველა AI აგენტს საკუთარი ტოკენი არ სჭირდება. მისი მოსაზრებით, ტოკენის ამოქმედებას მხოლოდ მაშინ აქვს აზრი, როცა პლატფორმამ უკვე მოიცვა გარკვეული მასშტაბი. ჯაო AI აგენტებს გაწეული მომსახურებისთვის ანაზღაურების მისაღებად უკვე არსებული კრიპტოვალუტების გამოყენებას ურჩევს.

ჯაოს მოსაზრებებს კრიპტოვალუტის ანალიტიკოსი ბენჯამინ კოუენი (Benjamin Cowen) გამოეხმაურა. მისი თქმით, საკუთარი კრიპტოვალუტის ამოქმედების ნაცვლად, უკვე არსებული ციფრული აქტივებით ანგარიშსწორებას კრიპტო ბირჟებიც აწარმოებენ. კოუენმა ამგვარად მინიშნება Binance-ის შიდა მონეტაზე – BNB-ზე მოახდინა.

კრიპტო ბირჟა Kraken-ის ტექნიკური დირექტორი ვიშნუ პატანკარი (Vishnu Patankar) დარწმუნებულია, რომ ხელოვნურ ინტელექტს კრიპტო სერვისის თანამშრომლების მუშაობის გამარტივება შეუძლია : მისი დახმარებით, ანგარიშის რეგისტრაცია, კლიენტებთან დაკავშირება და პლატფორმებზე ტოკენების ლისტინგიც კი არის შესაძლებელი.