სეილორმა ბიტკოინის გაყიდვასთან დაკავშირებული დაპირების დარღვევის მიზეზები ახსნა
by Giorgi 
სეილორმა ბიტკოინის გაყიდვასთან დაკავშირებული დაპირების დარღვევის მიზეზები ახსნა
ბიტკოინის უმსხვილესი კორპორატიული მფლობელის, Strategy-ის თავმჯდომარემ, მაიკლ სეილორმა (Michael Saylor) ცოტა ხნის წინ 32 ბიტკოინის 2.5 მილიონ დოლარად გაყიდვის მიზეზებზე ისაუბრა. განხორციელებული გაყიდვით კომპანიამ დაარღვია დაპირება, რომ მსოფლიოში პირველ კრიპტოვალუტას არასდროს გაყიდიდა.
BTC Prague-ის კონფერენციაზე გამოცემა Cointelegraph-თან ინტერვიუში სეილორმა განაცხადა, რომ ბიტკოინის მფლობელ კომპანიებს საჭიროების შემთხვევაში აქტივის გაყიდვის შესაძლებლობა უნდა ჰქონდეთ, რაც ბიტკოინით უზრუნველყოფილი დივიდენდების მომტან ფასიან ქაღალდებსა და საკრედიტო პროდუქტებზე ვალების დასაფარად არის აუცილებელი. თუ კომპანიები სრულად იტყვიან უარს ბიტკოინის გაყიდვაზე, მაშინ არც საკრედიტო ინსტრუმენტებს, არც კონვერტირებად ობლიგაციებს ან აქციებს არ ექნებათ ღირებულება, აღნიშნა ბიზნესმენმა.
„კომპანიის საქმიანობა ციფრული საკრედიტო ინსტრუმენტების გაყიდვას წარმოადგენს. ეს ინსტრუმენტები კაპიტალით არის უზრუნველყოფილი. ბიტკოინი კი კაპიტალია.“ – თქვა Strategy-ის თავმჯდომარემ.
„ციფრული დაკრედიტების“ ინსტრუმენტებში სეილორი Strategy-ის ბიტკოინით უზრუნველყოფილ პრივილეგირებულ აქციებს (STRC) გულისხმობს, რომლებიც ამჟამად Strategy-ისთვის დამატებითი ბიტკოინების შესაძენად კაპიტალის მოზიდვის ძირითად საშუალებას წარმოადგენს.
„მე ბიტკოინს კაპიტალის ციფრულ ტრანსფორმაციას ვუწოდებ, STRC კი – კრედიტირების ციფრულ ტრანსფორმაციას.“ – განაცხადა სეილორმა და დასძინა, რომ ციფრული სესხების პროდუქტებს ინვესტორებისთვის 8%-მდე შემოსავლის გენერირება შეუძლიათ, რაც ტრადიციულ შემნახველ ანგარიშებთან შედარებით 3-4 ჯერ მეტია.
ცოტა ხნის წინ, Strategy-ის აღმასრულებელმა დირექტორმა ფონგ ლემ (Phong Le) განაცხადა, რომ ბიტკოინის ბოლოდროინდელი გაყიდვა კომპანიის მიერ პირველი კრიპტოვალუტის დაგროვების გრძელვადიან სტრატეგიაზე უარის თქმას არ ნიშნავს. მაისში სეილორმა პირობა დადო, რომ კომპანია ყოველი გაყიდული ბიტკოინის სანაცვლოდ 10-20 ბიტკოინს იყიდის.
წყარო: https://cointelegraph.com/news/saylor-strategys-bitcoin-sale-defend-digital-credit-products
სიახლეების გამოწერა
