სტეიბლკოინების გამოყენებით ბიზნეს ოპერაციების მოცულობა დასახელდა

 სტეიბლკოინების გამოყენებით ბიზნეს ოპერაციების მოცულობა დასახელდა

საკონსულტაციო კომპანია McKinsey-ის ექსპერტების მონაცემებით, გასულ წელს, ფიზიკურმა და იურიდიულმა პირებმა სტაბილური კრიპტოვალუტების მეშვეობით 35 ტრილიონ დოლარზე მეტი გადახდა განახორციელეს. ანალიტიკოსებმა ტრანზაქციების მთლიანი მოცულობიდან ბიზნესისგან ბიზნესისთვის (B2B) განხორციელებული ტრანზაქციები განაცალკევეს.

ანალიტიკოსების ცნობით, ტრანზაქციების დაახლოებით 99% კრიპტოვალუტის საფულეებს შორის ტრანზაქციებს და კრიპტო ტრეიდინგთან დაკავშირებულ ოპერაციებს მოიცავდა. ტრანზაქციების მხოლოდ 1%, რომელიც გასულ წელს ჯამში 390 მილიარდ დოლარს შეადგენდა, ბიზნესებიდან მომწოდებლებისთვის გადარიცხვებს, ხელფასების გადახდას ან იურიდიულ პირებს შორის ანგარიშსწორებას მოიცავდა. 2025 წლისთვის B2B გადახდების მოცულობის ზრდამ 733%-ს გადააჭარბა.

სტეიბლკოინებთან დაკავშირებული აქტივობის ძირითადი წილი აზიაზე მოდის, სადაც სინგაპური, ჰონგ-კონგი და იაპონია დომინირებს. აზია-წყნარი ოკეანის რეგიონში გადარიცხვების მოცულობამ 245 მილიარდი დოლარი შეადგინა. ჩრდილოეთ ამერიკაში 95 მილიარდი დოლარი, ხოლო ევროპაში – 50 მილიარდი დოლარი.

Visa-სა და Stripe-ის მსგავსი გადახდის კომპანიების მხრიდან მზარდი ინტერესის მიუხედავად, სტაბილური კრიპტოვალუტები გლობალური გადახდების ბაზრის, რომლის მოცულობაც წელიწადში 2 კვადრილიონ დოლარს აღემატება, მცირე წილს წარმოადგენენ. თუმცა, McKinsey-ის ექსპერტების აზრით, სტეიბლკოინების რეალური გადახდებისთვის აქტიური გამოყენება, ეკონომიკაში მათი როლის გაზრდის საფუძველს აყალიბებს.

მათი თქმით, სტეიბლკოინებს გლობალური გადახდის სისტემის მნიშვნელოვნად შეცვლის პოტენციალი გააჩნიათ, თუმცა მათი დანერგვა ტექნოლოგიების განვითარებაზე, რეგულირებასა და საბაზრო ინფრასტრუქტურაზეა დამოკიდებული.

წყარო: https://www.linkedin.com/pulse/stablecoins-payments-what-raw-transaction-numbers-4qjke/