სტეიბლკოინი RLUSD მალე მსხვილ ბირჟებზე გამოჩნდება

სტეიბლკოინი RLUSD მალე მსხვილ ბირჟებზე გამოჩნდება

Ripple-ის პრეზიდენტმა მონიკა ლონგმა კომპანიის მიერ საკუთარი სტეიბლკოინის Ripple USD-ს (RLUSD) გამოშვების სტრატეგიულ გეგმებზე ისაუბრა და ალტკოინ XRP-ის სამომავლო პერსპექტივების შესახებ თავისი პროგნოზი გააზიარა.

Bloomberg-თან ინტერვიუში მონიკა ლონგმა (Monica Long) განაცხადა, რომ უახლოეს მომავალში Ripple სტეიბლკოინ RLUSD-ზე წვდომის გაფართოებას და მის სხვადასხვა სავაჭრო პლატფორმაზე განთავსებას შეეცდება.

17 დეკემბერს Ripple USD ხუთ კრიპტო ბირჟაზე: CoinMENA, Bitso, Uphold, MoonPay და Archax-ზე განთავსდა.

მოგვიანებით, კომპანიის განცხადებით, ჩამონათვალს Mercado Bitcoin და Independent Reserve პლატფორმებიც შეემატა.

ლონგის დაპირებით, უახლოეს მომავალში RLUSD-ის ლისტინგი ისეთ უმსხვილეს სავაჭრო პლატფორმებზე მოხდება, როგორიცაა Binance და Coinbase.

ლონგის აზრით, კრიპტო ბაზრის ზრდასთან ერთად სტეიბლკოინებზე მოთხოვნაც გაიზრდება, რის წყალობითაც გადახდებისა და ანგარიშსწორების წარმოება უფრო სწრაფი და ეკონომიური გახდება. მისი თქმით, RLUSD Ripple-ის საერთაშორისო გადარიცხვების გადაწყვეტაში მნიშვნელოვან როლს ასრულებს.

Ripple-ის პრეზიდენტმა თავისი კეთილგანწყობა გამოხატა იმ გარემოებაზე, რომ შეერთებულ შტატებში მალე XRP-თან დაკავშირებულ გაცვლითი სავაჭრო ფონდები (ETF) გამოჩნდება.

კომპანიებმა Canary Capital, Bitwise, 21Shares და WisdomTree-მ ამ საინვესტიციო პროდუქტების გასაშვებად ამერიკულ მარეგულირებელ ორგანოში განაცხადები უკვე წარადგინეს.

აშშ-ს ფასიანი ქაღალდებისა და ბირჟების კომისიას (SEC) ისინი ჯერ არ განუხილავს, მაგრამ ლონგს მიაჩნია, რომ კრიპტოვალუტების მხარდამჭერი SEC-ის ახალი თავმჯდომარის პოლ ატკინსის (Paul Atkins) ხელმძღვანელობით სიტუაცია შეიძლება უკეთესობისკენ შეიცვალოს.

გასული 24 საათის განმავლობაში, RLUSD-ის სავაჭრო მოცულობა მკვეთრად, 244%-ით გაიზარდა და 80,21 მილიონ დოლარს მიაღწია.