ჩრდილოვან ეკონომიკაში კრიპტოვალუტა დოლარს ძირს უთხრის

ჩრდილოვან ეკონომიკაში კრიპტოვალუტა დოლარს ძირს უთხრის

საერთაშორისო სავალუტო ფონდის (IMF) ყოფილი მთავარი ეკონომისტის კენეტ როგოფის (Kenneth Rogoff) განცხადებით, კრიპტოვალუტა სულ უფრო ხშირად გამოიყენება გლობალურ ჩრდილოვან ეკონომიკაში, რაც აშშ დოლარის ჰეგემონიას ძირს უთხრის.

კენეტ როგოფი მიიჩნევს, რომ აშშ დოლარის გავლენა თანდათან მცირდება, ის იუანისა და ევროსთან მიმართებაში პოზიციებს კარგავს.

„მაგრამ არსებობს ასევე კრიპტოვალუტაც, რადგან დოლარის ერთ-ერთი მთავარი ბაზარი გლობალური ჩრდილოვანი ეკონომიკაა. კრიპტოვალუტას აქვს ღირებულება. ის ტრანზაქციებისთვის გამოიყენება. არსებობს ეკონომიკის მნიშვნელოვანი ნაწილი, რომლის კონტროლიც მთავრობას მკაცრი რეგულაციების პირობებშიც კი გაუჭირდება. ასე რომ სასწორზე ბევრი რამ დევს.“

ეკონომისტის თქმით, ჩრდილოვანი ეკონომიკის უდიდესი ნაწილი ამჟამად გადასახადებისგან თავის არიდების ბაზარს შეადგენს, ხოლო უკანონო ნივთიერებებით ვაჭრობა მნიშვნელოვან წილს არ მოიცავს.

ეკონომისტის დასკვნით, კრიპტოვალუტები  გადასახადებისგან თავის არიდების ბაზრის დაპყრობას კვლავაც განაგრძობენ, რადგან მათი მეშვეობით მომხმარებლებს ტრადიციული ფინანსური სისტემების გვერდის ავლისა და მარეგულირებელი ორგანოების კონტროლის მიღმა მოქმედების შესაძლებლობა ეძლევათ.

ცოტა ხნის წინ, საბროკერო პლატფორმა Psalion-ის ექსპერტებმა დაადგინეს, რომ მსოფლიო მასშტაბით კრიპტოვალუტების პოპულარობა წლის ბოლომდე ამჟამინდელი 7.41%-დან 11.02%-მდე გაიზრდება.