by Giorgi 
კანონ CLARITY-ის მიღება შესაძლოა ოთხი წლით გადაიდოს
ვაიომინგის შტატის რესპუბლიკელმა სენატორმა სინტია ლამისმა (Cynthia Lummis) კონგრესს ციფრული აქტივების ბაზრისა და სტეიბლკოინებიდან მიღებული შემოსავლების კონტროლზე უფლებამოსილების გადანაწილების შესახებ კანონის სასწრაფო წესით მიღებისკენ მოუწოდა. ლამისი შიშობს, რომ თუ ეს ახლავე არ გაკეთდა, CLARITY-ის მიღება სულ მცირე 2030 წლამდე გადაიდება.
აშშ-ის სენატის საბანკო კომიტეტი CLARITY-ს აპრილის ბოლოს განიხილავს. განხილვის ვადის გადაცილების შემთხვევაში, კანონმდებლები პრიორიტეტს საარჩევნო კამპანიებს მიანიჭებენ და კანონპროექტს 2026 წლის ნოემბრის შუალედური არჩევნების წინ სათანადო ყურადღება აღარ მიექცევა.
კანონპროექტმა კონგრესის წარმომადგენელთა პალატაში განხილვის ეტაპი წარმატებით გაიარა, თუმცა მისი ძალაში შესვლისთვის სენატის თანხმობა და აშშ-ის პრეზიდენტის ხელმოწერაა საჭირო. CLARITY-ს მხარდამჭერი ლამისი სენატორის თანამდებობის დატოვებას 2027 წლის იანვარში გეგმავდა და არჩევნებში მონაწილეობას ხელახლა აღარ აპირებს . სენატორი წუხს, რომ თუ კონგრესი უახლოეს თვეებში არ მიიღებს ზომებს, CLARITY-ს განხორციელება დიდი ხნით გადაიდება.
CLARITY-ის ამჟამინდელი ვერსია სტაბილური კრიპტოვალუტების მფლობელებისთვის პროცენტის გადახდას კრძალავს, რაც კრიპტო კომპანიებისა და სტეიბლკოინების მფლობელების უკმაყოფილებას იწვევს. სწორედ ეს პუნქტი გახდა კანონპროექტის განხილვის შეფერხების მიზეზი.
დოკუმენტი ასევე ტოკენების ემიტენტებისთვის ინფორმაციის გამჟღავნების უფრო მკაცრ მოთხოვნებს მოიცავს.
გარდა ამისა, კანონპროექტის მიხედვით, კრიპტოვალუტის ბაზრის რეგულირების უფლებამოსილება ორ სააგენტოს შორის იყოფა. ციფრული აქტივების უმეტესობას აშშ-ის სასაქონლო ფიუჩერსებით ვაჭრობის კომისია (CFTC), ხოლო ტოკენიზებულ ფასიან ქაღალდებს აშშ-ის ფასიანი ქაღალდებისა და ბირჟების კომისია(SEC) დაარეგულირებს.
გასულ წელს, ლამისმა კონგრესს თანამდებობის პირებისთვის მემკოინების გამოყენების წესების დაზუსტებისკენ მოუწოდა, რომლებსაც, მისი აზრით, საზოგადოებისთვის არანაირი სარგებელი არ მოაქვთ. სენატორმა მხარი დაუჭირა სტრატეგიული ბიტკოინის რეზერვის შექმნას და ეს აშშ-ის მზარდი ეროვნული ვალის პრობლემის მოგვარების ერთადერთ გზად მოიხსენია.
წყარო: https://coinedition.com/senator-lummis-warns-clarity-act-might-be-delayed-until-2030/
სიახლეების გამოწერა
