აშშ და დიდი ბრიტანეთი კიბერდანაშაულს წინააღმდეგ

აშშ და დიდი ბრიტანეთის მთავრობებმა გაერთიანებული სხდომა ჩაატარეს, რომლის ფარგლებშიც გამომძალველ ვირუს-პროგრამებთან და ციფრული აქტივების უკანონო გამოყენებასთან
ერთიანი ძალებით ბრძოლა გადაწყდა.

ვაშინგტონში აშშ-ს გენერალური პროკურორის მოადგილე ლიზა მონაკო (Lisa Monaco), ასევე აშშ-ს სახელმწიფო უსაფრთხოების დეპარტამენტისა და აშშ-ს იუსტიციის დეპარტამენტის
კრიმინალური განყოფილების წარმომადგენლები დიდი ბრიტანეთის შინაგან საქმეთა მინისტრს პრიტი პატელს შეხვდნენ.

შეხვედრაზე განიხილეს ორ ქვეყანას შორის თანამშრომლობის შესაძლებლობა კიბერდანაშაულთან, ფულის გათეთრებასთან, ტერორიზმის დაფინანსებასთან და კრიპტოვალუტების
უკანონო ქმედებებისთვის გამოყენებასთან საბრძოლველად.

მანამდე აშშ-ს გამოძიების ფედერალურმა ბიურომ (FBI) კრიპტოაქტივების ქურდობის მიზნით ფიშინგის შეტევების რაოდენობის ზრდის შესახებ გამოაცხადა, ხოლო მიმდინარე თვეში სააგენტომ
მომხმარებლები კრიპტომატებისა და QR კოდების გამოყენებით თაღლითობის გაზრდის შესახებ გააფრთხილა.

FBI კიბერშეტევების წინააღმდეგ ბრძოლის დეპარტამენტის უფროსის თანაშემწე ბრაიან ვორნდრანი (Bryan Vorndran) მიიჩნევს, რომ კრიპტოვალუტის ბაზრის ზრდა გამომძალველი ვირუსების
გამავრცელებელ კიბერკრიმინალებს კიდევ უფრო იზიდავს.

მეორეს მხრივ, მრავალი კომპანიის უსაფრთხოების სისტემა არაა სათანადოდ გამართული, რითიც ჰაკერები სარგებლობენ.

ვორნდრანმა Colonial Pipeline-ის საწვავის სისტემაზე თავდასხმა გაიხსენა, რომლის დროსაც ჰაკერებმა კომპანიისგან გამოსასყიდის სახით 5 მილიონი დოლარის ღირებულების ბიტკოინის
მიღება მოახერხეს.

მონაკო და პატელი შეთანხმდნენ, მავნე პროგრამებისა და კრიპტოვალუტების უკანონო გამოყენების წინააღმდეგ ბრძოლისას მეტი ყურადღება კონკრეტული ზომების შემუშავებას უნდა მიექცეს. ასევე,
უნდა გაგრძელდეს დიალოგი ეროვნული უსაფრთხოების საკითხებზე.

ოქტომბერში აშშ-ის პრეზიდენტმა ჯო ბაიდენმა კიბერდანაშაულთან ბრძოლისთვის 30-მდე ქვეყანასთან გაერთიანების შესახებ გამოაცხადა.

იმავე თვეში, აშშ-ს იუსტიციის დეპარტამენტმა სამუშაო ჯგუფის შექმნა დააანონსა, რომელსაც ის პლატფორმები უნდა მოეძიებინა, რომლებიც კრიმინალებმა კრიპტოვალუტების საშუალებით ფულის გასათეთრებლად შეიძლება გამოიყენონ.