აშშ-ში კრიპტოვალუტის მასობრივ მიღებას ვიხილავთ

აშშ-ში კრიპტოვალუტის მასობრივ მიღებას ვიხილავთ

საბირჟო საქონლის დარგში Bloomberg-ის მთავარი სტრატეგის მაიკ მაკგლონის აზრით, 2022 წელს შეერთებულ შტატებში კრიპტოვალუტების მასობრივი მიღება დაიწყება, რასაც აუცილებელი რეგულაციები და ბაზრის შემდგომი ზრდა მოჰყვება.

მაიკ მაკგლოუნის (Mike McGlone) განცხადებით, კრიპტოვალუტის ბაზარმა წელს მნიშვნელოვანი ზრდა აჩვენა, რაც დიდწილად განვითარებული ქვეყნების რბილი მონეტარული პოლიტიკით არის განპირობებული.

კოროვირუსული პანდემიის ფონზე ხელისუფლება ეკონომიკური კრიზისის შემსუბუქებას ცდილობდა. ამან ფულადი მასის ზრდა, ასევე ფასიან ქაღალდებსა და ალტერნატიულ აქტივებზე მოთხოვნის ზრდა გამოიწვია.

Bloomberg-ის ანალიტიკოსი ფიქრობს, რომ აშშ-ს ფედერალური სარეზერვო სისტემა მომავალ წელს ეკონომიკის სტიმულირების პროგრამას გააუქმებს.

ამაზე ინფლაციის მნიშვნელოვანი ზრდა და გაზრდილი შრომის ბაზარი მიუთითებს. ამ ყველაფერმა როგორც წესი საფონდო ბაზრის ვარდნა უნდა გამოიწვიოს,

თუმცა ისეთი აქტივები, როგორიც ბიტკოინია, კვლავ გაიზრდება.

„ფედერალური რეზერვის სწრაფვა ფულის გაცემა  და ობლიგაციების შემოსავალი შეამციროს, ქმნის მაკროეკონომიკურ გარემოს,

რომელიც ხელს შეუწყობს ისეთი ძირითადი კრიპტოვალუტების ზრდას, როგორიცაა BTC და ETH.“- განაცხადა მაკგლონმა.

ანალიტიკოსმა ბიტკოინის კურსის100000 დოლარამდე სწრაფვის პროგნოზი კიდევ ერთხელ დაადასტურა. მანამდე იგი აცხადებდა, რომ BTC-ის კურსს მიმდინარე წლის ოქტომბრისთვის შესაძლოა 100 000 დოლარისთვის მიეღწია, თუმცა, როგორც დრომ აჩვენა, ანალიტიკოსის მოლოდინი არ გამართლდა.მისი აზრით, ბიტკოინი, როგორც კაპიტალის დაგროვების საშუალება, სულ უფრო გამყარდება. 

წყარო: https://bits.media