ბიტკოინი ოქროსთვის საბაზრო წილის წართმევას განაგრძობს

ბიტკოინი ოქროსთვის საბაზრო წილის წართმევას განაგრძობს

 საინვესტიციო ბანკ Goldman Sachs-ის ანალიტიკოსები იმედოვნებენ, რომ ბიტკოინის  საბაზრო წილი ზრდას ოქროს წილის ჩანაცვლების ხარჯზე  განაგრძობს. BTC-ის ფასმა კი შესაძლოა 100,000 დოლარს მიაღწიოს.

გამოცემა The Block-ის ჟურნალისტებს ხელში ინვესტორებისთვის განკუთვნილი წერილი ჩაუვარდათ. წერილში ბანკის ანალიტიკოსები  პირველი კრიპტოვალუტის საბაზრო კაპიტალიზაციის ზრდას პროგნოზირებენ.

ამას ხელს ციფრული აქტივების ფართომასშტაბიანმა შემოღებამ  და ბიტკოინის ქსელის მასშტაბირებისვის ახალი გადაწყვეტის შესაძლო მიღებამ უნდა  შეუწყოს.

ბიტკოინს ხშირად დანაზოგის დაგროვებისთვის ერთ-ერთ საუკეთესო აქტივად მოიხსენიებენ. ახლა BTC-ის კაპიტალიზაცია ჰეჯირების აქტივების მთლიანი საბაზრო კაპიტალიზაციის დაახლოებით 20%-ს შეადგენს. Goldman Sachs-ის ანალიტიკოსების ვარაუდით, იმის გამო, რომ BTC-ის გამოყენება მხოლოდ დანაზოგის შესანახად არ ხდება, მაჩვენებელი შესაძლოა 50%-მდე გაიზარდოს. ამ შემთხვევაში პირველი კრიპტოვალუტის კურსი 100 000 დოლარს გადააჭარბებს.

„ბიტკოინის გამოყენება  არა მხოლოდ დანაზოგის შესანახად არის შესაძლებელი – ციფრული აქტივების ბაზრის პოტენციალი უზარმაზარია. თუმცა, BTC-ის საბაზრო კაპიტალიზაციის ოქროსთან შედარება  მომგებიანობის შესაძლო სამომავლო შედეგების დადგენას შეუწყობს ხელს.“- ნათქვამია წერილში.

ადრე Goldman Sachs-ის ანალიტიკოსებმა 2021 წლის ყველაზე მომგებიანი ინსტრუმენტი 60%-იანი მომგებიანობით ბიტკოინს უწოდეს. უნდა აღინიშნოს, რომ მომგებიანობის თვალსაზრისით (55%) მეორე ადგილზე ნავთობი იყო . სამეულში დიდი სხვაობით შევიდა S&P 500 ინდექსიც – მისმა მომგებიანობამ 29% შეადგინა. Bitcoin.com-ის ყოფილი აღმასრულებელი დირექტორის, სტეფან რუსტის თქმით, 2022 წელს კრიპტოვალუტის ბაზარი უფრო დაღმავალი იქნება, ვიდრე აღმავალი.

წყარო: https://bits.media/