ბუტერინმა გამომწერებს ETH ალტერნატივის დასახელება სთხოვა

ბუტერინმა გამომწერებს ETH ალტერნატივის დასახელება სთხოვა

Ethereum-ის დამფუძნებელმა თავის Twitter-ზე გამოკითხვა ჩაატარა. მან გამომწერებს  სთხოვა მათი პროგნოზით მომდევნო 15 წლის განმავლობაში ETH-ის გარდა ყველაზე პერსპექტიული კრიპტოვალუტა აერჩიათ.

გამოკითხვაში, რომელიც 13 იანვარს დაიწყო, მონაწილეობა უკვე 470 000-ზე მეტმა ადამიანმა მიიღო.

ბუტერინმა მონაწილეებს ოთხი ვარიანტი შესთავაზა: BTC, SOL, ADA და USD.

„წარმოიდგინეთ, რომ 2035 წელს გაიღვიძეთ და მსოფლიოში ყველა ტრანზაქციისა და დანაზოგის 80% ერთ ვალუტაში ხდება და ეს არ არის ETH. როგორ ფიქრობთ, რომელი იქნება ეს ვალუტა?“ – იკითხა ბუტერინმა.

პირველი გამოკითხვის გამარჯვებული ბიტკოინი გახდა – მას ხმა 410 ათასმა ადამიანმა მისცა. მეორე ადგილი დაიკავა კრიპტოვალუტამ ADA ხმების 30%-ით,

მესამეზე SOL გავიდა. ბოლო ადგილზე აშშ დოლარი განთავსდა.

მეორე გამოკითხვაში ბუტერინმა კიდევ ოთხი ციფრული ვალუტა დაამატა –TRON, CNY, NEO და BNB. პირველი ადგილი  Binance Coin-მა დაიკავა, მას მოჰყვა TRON და NEO. იუანმა შეჯიბრი ასევე წააგო.

კომენტარებში მომხმარებლებმა თავიანთი ვარიანტების შეთავაზება დაიწყეს. მათ შორის დაფიქსირდა Dogecoin-ის თანადამფუძნებელი ბილი მარკუსიც, რომელმაც მომავლის ვალუტად თავისი meme-მონეტა შესთავაზა. 14 იანვარს, Tesla-მ გადახდის საშუალებად Dogecoin-ის მიღება დაიწყო .

წყარო: https://bits.media