გლობალური ტრაფიკის 55% ორ კრიპტობირჟაზე მოდის

გლობალური ტრაფიკის 55% ორ კრიპტობირჟაზე მოდის

ნოემბერში ბაზრის ცვალებადობამ  კრიპტოვალუტის გაცვლის პლატფორმებზე მომხმარებლების მნიშვნელოვანი შემოდინება გამოიწვია.

ვიზიტების რაოდენობამ 546,6 მილიონი შეადგინა, საიდანაც 55%-ზე მეტი მხოლოდ ორ კრიპტობირჟაზე მოდის.

როგორც The Block Research-ის ანალიტიკოსები იტყობინებიან, კრიპტოვალუტის გაცვლის პლატფორმებზე ვიზიტების რაოდენობის მიხედვით ნოემბერმა (როდესაც ბიტკოინმა  69 000 დოლარს მიაღწია) პირველობა მხოლოდ მაისს დაუთმო,

თუმცა გადაასწრო აპრილს, როდესაც ბიტკოინის კურსის მაქსიმუმი დაახლოებით $65,000-ი იყო. ამასთან, ცენტრალიზებული კრიპტობირჟების პლატფორმებზე ვიზიტების რაოდენობა ივლისიდან მოყოლებული იზრდება.

ივლისის პერიოდში კი ვიზიტორების წლიურმა მინიმუმმა – 319. 3 მილიონი შეადგინა.

ბირჟებს შორის ლიდერად კვლავ Binance რჩება, რომლის საიტზე ვიზიტორთა რაოდენობა 34.4%-ით  გაიზარდა და ეს მიუხედავად ამ ზაფხულს სხვადასხვა მარეგულირებლის მხრიდან მნიშვნელოვანი ზეწოლისა და  მომხმარებლის სავალდებულო იდენტიფიკაციის დანერგვისა. მეორე ადგილზეა ამერიკული ბირჟა Coinbase ვიზიტების 19,7%-ით. ამრიგად, მსოფლიო ტრაფიკის ნახევარზე მეტს მხოლოდ ორი ბირჟა იზიდავს.

როგორც The Block Research-ის ანალიტიკოსმა ლარს ჰოფმანმა (Lars Hoffmann) აღნიშნა, აშშ-ს მომხმარებელთა შემოდინებამ  KuCoin-ს და Bybit-ს რეიტინგში მე-3 და მე-4 ადგილების დაკავების საშუალება მისცა.

შესაბამისად, მათ  მომხმარებლების 5.5% და 5.2% მიიზიდეს.

რუსეთის ფედერაციის ცენტრალურმა ბანკმა განაცხადა, რომ რუსები კრიპტოვალუტის ბაზარზე ყველაზე აქტიური მონაწილეები არიან.

არსებული ინფორმაციით, კრიპტოვალუტის ბირჟებზე მოქალაქეების ვიზიტების რაოდენობით რუსეთის ფედერაცია ლიდერებს შორისაა.

წყარო: https://bits.media/