„თავი შორს დაიჭირეთ ბიტკოინისგან“- JPMorgan-ის აღმასრულებელი დირექტორი
საინვესტიციო ბანკ JPMorgan-ის აღმასრულებელი დირექტორი, ჯეიმი დაიმონი (Jamie Dimon)
არ აპირებს ბიტკოინის თაობაზე აზრი შეიცვალოს. მან განაცხადა, რომ ბიტკოინში ინვესტირებას არავის ურჩევს.
აშშ-ს კონგრესის ფინანსური სერვისების კომიტეტის მიერ გამართულ ონლაინ მოსმენაზე ჯეიმი დაიმონმა ხაზი
გაუსვა იმ გარემოებას, რომ ბიტკოინი არ არის უზრუნველყოფილი რაიმე სახის აქტივით. მას კი „არ სჯერა, რომ
ასეთ აქტივს ღირებულება შეიძლება გააჩნდეს.“
„ჩემი პირადი და პერსონალური რჩევაა – თავი შორს დაიჭირეთ ამისგან.“ – ასე უპასუხა მან ოჰაიოს შტატის
დეპუტატის, უორენ დევიდსონის (Warren Davidson) კითხვას.
დაიმონის სიტყვებით, ეს მისი პირადი პოზიციაა და არ გამოხატავს JPMorgan-ის კლიენტების აზრს. იმაზე, რომ ბანკის
ხელმძღვანელობისგან კრიპტოვალუტების მიმართ ინტერესის არ ქონის მიუხედავად კლიენტების მხრიდან ციფრული
აქტივების მიმართ მზარდი ინტერესია, მას ადრეც უსაუბრია.
„მაგალითად, პირადად მე არ ვარ მარიხუანას მომხმარებელი. მაგრამ თუ ის ქვეყნის მასშტაბით ლეგალური გახდება, მე არ დავიწყებ ხალხის გადარწმუნებას, რომ ამ ბიზნესში არ ჩადონ ფული. მე არ ვურჩევ ადამიანებს როგორ განკარგონ საკუთარი ფული, მხოლოდ იმას ვამბობ რასაც თავად ვგრძნობ.“
JPMorgan-ის აღმასრულებელი დირექტორი იმედოვნებს, რომ უახლოეს მომავალში მსოფლიოს უმეტესი ქვეყნების მარეგულირებლები კრიპტოვალუტის ინდუსტრიაზე ყურადღებას გაამახვილებენ და ამ დარგისთვის ნორმატიულ ბაზას შეიმუშავებენ.
წყარო:https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)